Proverbios 15:21 - Biblia Enxet

²¹ Kapeykessásekxak chá'a apwáxok apteme ekyeyháxma m'a énxet meyke nak ekxeyenma apwáxok; elanagkohok eyke chá'a ektémakxa apxega m'a énxet apmopwána nak aqsok.

Proverbios 15:21 Referans Kwoze

Proverbios 10:23

Atsek aqsa chá'a katnehek apwáxok énxet ekyeyháxma apkelana enxoho aqsok ekmaso; keñe m'a énxet apya'áseykegkoho nak aqsok, kapeykessásekxak aqsa chá'a apwáxok ma'a negya'áseykegkoho nak aqsok.

Proverbios 14:16

Yáwhok elának aqsok ekmaso m'a énxet apya'áseykegkoho nak aqsok, étnakhaksek nahan, keñe m'a énxet ekmaso nak aptémakxa', megyekyek chá'a elána'.

Proverbios 14:9

Ellektegmaha aqsa chá'a elanagkok aqsok ekmaso m'a énxet'ák élyeyháxma nak, kataqmalmakha eyke chá'a apwáxok elanok Dios ma'a énxet'ák meyke nak apkeltémakxa'.

Proverbios 11:12

Asagkek chá'a katnehek appeywa exének pók ma'a énxet ekyeyháxma nak; keñe m'a énxet metnaha nak ekyeyháxma, ewanmak aqsa.

Salmos 111:10

Néltamhók agkok antéhek ekyawe negya'áseykegkoho, kéméxcheyk sekxók antéhek negáyo Wesse' egegkok; ektaqmeleykha élchetámeykha apwáxok etnehek ma'a apcháyo nak chá'a. ¡Megkamassegwomek sa' chá'a kélteméssesso apcheymákpoho Dios!

Job 28:28

Keñe axta Dios aptáha apkeláneya énxet'ák: “Nágkólyensem chá'a kélyetleykha Wesse' egegkok: cháxa negya'áseykegkoho aqsok xa; negyamasma aqsok ekmaso: cháxa ekha negmowána aqsok xa.”

Proverbios 14:8

Keykpelchásseshok chá'a aptémakxa énxet apya'áseykegkoho nak chá'a aqsok ma'a negya'áseykegkoho nak aqsok, keñe m'a énxet ekyeyháxma nak, kalyexanchesha chá'a m'a aptémakxa nak ekyeyháxma.

Proverbios 15:22

Kamassegwók chá'a aqsok yaqwánxa anlának ma'a mólpaqhetchásexkoho enxoho chá'a sekxo'; katyapok eyke chá'a aqsok ma'a apxáma enxoho apkelpaqhetchásamákpoho.

Proverbios 4:25

Yenmexho aqsa chá'a apmonye', nágyaháxehekxa chá'a.

Proverbios 4:26

Etaqmelchesho chá'a apkelányo m'a apmahágkaxa enxoho chá'a, tén sa' tásek chá'a katnehek apxega.