Biblia Todo Logo
Bib sou entènèt

- Piblisite -




Proverbios 15:18 - Biblia Enxet

18 Etekkesek chá'a éllámaxche m'a énxet ekmanyehe nak chá'a elwok; emasseksek eyke chá'a m'a énxet mepekhésamap nak chá'a elwok.

Gade chapit la Kopi




Proverbios 15:18
21 Referans Kwoze  

Kélmenyeyk chá'a átex yaqwayam kólwatnekxak táxa, kélmenyeyk chá'a yántapák yaqwayam kóláléwaksek táxa, keñe m'a yaqwayam nak chá'a etekkesek éllámaxche', kélmenyeyk ma'a apmopmenyého nak chá'a elnapakpok.


Kamasseksohok chá'a aplo egmók ma'a nentaqmelchessamo nak negátegmowéyak; kayágwomhok eyke chá'a aplo m'a nempaqhetchesa enxoho ekyennaqte.


Etekkesek chá'a apkelenmexamap ma'a énxet apyennaqteyáseykha nak chá'a apyempehek, xámok han chá'a katnehek megyaqhémo aptáhakxa m'a ekmanyehe nak elwok.


Énxet mepekhésso nak chá'a elwok, cháxa magkenatchesso ekyetna ekyawe apyekpelchémo aqsok; énxet appekhésamap nak, cháxa magkenatchesso apteme ekyeyháxma.


Aptaqnókek agkok xép ma'a aptaqmelchesso nak apchókxa, nágkapekhe apwáxok; mampekhésamaxche' awanchek kamasseksek ma'a aqsok ekyawe nak magaqhémo.


Etekkesek chá'a apkelenmexamap énxet ma'a ekmaso nak aptémakxa'; nélenmexamaxche han etekkesek ma'a énxet apkeltennágwayam naqsa nak chá'a apmopwána amya'a m'a nátegma.


Katekkeshok nélenmexamaxche m'a eklo nak chá'a egwáxok, keñe eyke m'a nélásekhamaxkoho nak, kamasseksek chá'a ekyókxoho aqsok ekmaso nenlane.


Etekkesek chá'a apkelenmexamap ma'a énxet apmopmenyého nak chá'a étak aqsok apagkok; kaxámagkok eyke aqsok apagkok ma'a énxet apteme nak chá'a apcháyo Wesse' egegkok.


Kamasseksohok aplo wesse' m'a mampekhésamaxche nak chá'a ampaqhetchesek; kalekwomhok apwáxok ma'a ektaqmeleykha nak nempeywa anlána'.


Apkelátegmowágkek axta m'a énxet'ák Israel: —Negko'o eyke nenteme wesse' apwányam egagkok egagko' ma'a David, hakte nenxámok egagko', máxa han negko'o kélyapma átnaha apketkok kéxegke. ¿Yaqsa ektáha sẽlwanyeyncha'a nak negko'o? ¡Negko'o axta egmonye' néltémo éxyamok makham ma'a wesse' apwányam egagkok! Kellágwokmók axta apkelpeywa m'a énxet'ák Judá, kóneg axta kéltemessásekxak ma'a énxet'ák Israel.


Xámok katnehek am'ák ámay apagkok ma'a énxet apháxamakpoho nak chá'a etneykha; cháxña'awók eyke katnehek ámay apagkok ma'a énxet ekpéwomo nak aptémakxa'.


Aplókek agkok wesse' apwányam, yetneyk katnehek yaqwayam emátog, énxet apya'áseykegkoho aqsok akke aqsa apwanchek emasséssesek aplo.


Ná etne apkelásekhayókxa tén han apkelxegexma'a m'a énxet'ák apkelyennaqteyáseykha nak chá'a apyempe'ék, tén han apkelnatheyáseykha nak chá'a,


Swiv nou:

Piblisite


Piblisite