Proverbios 14:33 - Biblia Enxet

³³ Keytek chá'a negya'áseykegkoho aqsok apkelwáxok ma'a énxet ekpéwomo nak chá'a élchetámeykha apkelwáxok, keñe m'a énxet'ák élyeyháxma nak, melweték ektémakxa'.

Proverbios 14:33 Referans Kwoze

Proverbios 12:16

Yahamok chá'a elwok ma'a énxet ekyeyháxma; megyeyxók eyke chá'a aptaqnómap ma'a énxet apya'áseykegko nak aqsok.

Eclesiastés 10:3

Énxet ekyeyháxma nak, exekmóshok chá'a ektáhakxa mékoho m'a élchetamso nak apwáxok elána', elxénmakha eyke chá'a ektáha élyeyháxma m'a pók énxet'ák nak.

Proverbios 29:11

Méxnéssekxeyk chá'a aplawa enxoho m'a énxet ekyeyháxma, emágwakxak eyke chá'a yaqwánxa etnehek ma'a énxet apya'áseykegkoho nak aqsok.

Proverbios 15:28

Kalchetmok chá'a sekxók apwáxok énxet appéwomo yaqwánxa etnehek yátegmowágkok, keñe m'a énxet ekmaso nak aptémakxa', yahamok chá'a katyapok appeywa ekmaso.

Proverbios 13:16

Énxet ekha nak chá'a ekxeyenma apwáxok elának chá'a aqsok yetlo apmopwána, keñe m'a ekyeyháxma nak, exekmósek chá'a énxet'ák apteme ekyeyháxma.

Proverbios 12:23

Mexénmakha ektémakxa apya'áseyak aqsok ma'a énxet apmopwána nak aqsok, keñe m'a ekyeyháxma nak, exekmósek chá'a énxet'ák apteme ekyeyháxma.

Proverbios 15:2

Negya'áseykegkoho aqsok chá'a katyapok apkelpeywa m'a énxet'ák apkelya'áseykegkoho nak chá'a aqsok; keñe m'a énxet élyeyháxma nak, amya'a élyeyháxma aqsa chá'a elxénagkok.

Proverbios 2:10

kamok sa' apwáxok ma'a negya'ásegwayam nak, atsek sa' katnehek ekma enxoho apwáxok.

Proverbios 14:32

Kasexnáneyekxohok agkok chá'a aptémakxa ekmaso m'a énxet ekmaso nak aptémakxa'; keñe m'a énxet meyke nak aptémakxa, kamyók chá'a m'a meyke aptémakxa nak.

Proverbios 14:34

Kaxátekhaksek chá'a apchókxa m'a ekpéwomo nak nentémakxa'; kalmegqaksek eyke chá'a énxet'ák ma'a mólya'assáxma nak.