Proverbios 14:32 - Biblia Enxet

³² Kasexnáneyekxohok agkok chá'a aptémakxa ekmaso m'a énxet ekmaso nak aptémakxa'; keñe m'a énxet meyke nak aptémakxa, kamyók chá'a m'a meyke aptémakxa nak.

Proverbios 14:32 Referans Kwoze

Salmos 23:4

Ekxegkek agkok ekyáqtésakxa exma m'a ekyapwátegweykenxa nak xapop, magwakyek xama enxoho aqsok ekmaso, hakte sekxegexma ko'o exchep Wesse'; hegkések chá'a meyke ektamheykha ewáxok ma'a aptasqapeykha nak, apmeykencha'awól'a chá'a eltaqmelchesek nepkések.

Génesis 49:18

“¡Xép, Wesse' ahagkok, élhaxneyk ko'o hewagkasek teyp!

Proverbios 24:16

hakte eyaqnenek eykhe chá'a ekweykmoho siete m'a meyke nak aptémakxa, siete eyke han chá'a katnehek apkempeykekxa néten; keñe m'a élmasagcha'a nak apkeltémakxa, káhapwak chá'a ekmaso apheykha eletsapok.

Salmos 37:37

Elano énxet meyke nak aptémakxa, tén han eyáxñeyo nak aptémakxa: yetneyk aptawán'ák neptámen ma'a énxet meyke nak ektáhakxa apha.

Job 13:15

Heyaqhek sa' eykhe, malwátessemek sa' eyke sektémakxa nak chá'a sekpeywa, yaqwayam altennaksek nápaqtók sekteme meyke sektémakxa'.

Proverbios 6:15

Cháxa keñamak peya sa' katlakkasek aqsa káhapwak aqsok ekmaso; ekmanyehe agko' sa' enaqtawasakpok, mopwanchek sa' elwagkasakpok teyp.

Salmos 58:9

eláléwak sa' ektémól'a yámet ekha nak am'ák kólwatnek, amonye' apkelya'ásegwayam; kólpátekkesek sa' yetlo apkeltaqnómap apagko', ektémól'a pa'at axnancha'ák.

Salmos 17:15

Kapayhekxak sa' eyke ko'o ewáxok sekwet'a sa' ahaqta'ák ahagko', ¡sekha sa' nápaqto' sekxatakha'a enxoho!

Salmos 16:11

Hexekmósek sa' ko'o exchep ma'a ámay ekyennaqte nak egnények agyetlakxa'. Yetnegkek ekpayheykekxa egwáxok ma'a aphakxa nak xép, tén han ekmátsa egwáxok meyke néxa m'a nekhók aphakxa nak xép.

Job 18:18

Kólyenyók sa' ekyáqtésakxa exma apkeñama m'a élsakókxa exma; kóltekkesek sa' keso nélwanmeygkaxa.

Salmos 73:24

epékessáseykegkek axta eyke chá'a sepaqhetchessama, hemok sa' eyke takha', yetlo ektaqmalma sélteméssesakxa'.

Proverbios 14:33

Keytek chá'a negya'áseykegkoho aqsok apkelwáxok ma'a énxet ekpéwomo nak chá'a élchetámeykha apkelwáxok, keñe m'a énxet'ák élyeyháxma nak, melweték ektémakxa'.

Proverbios 5:22

Kamekxohok agko' chá'a aqsok ekmaso apkelane m'a énxet ekmaso nak aptémakxa'; máxa táma katnehek kalpextétek ma'a mey'assáxma apkelane apagkok apagko' nak.

Proverbios 11:5

Ektaqmalma aptémakxa chá'a kapékesseshok apxega m'a énxet ekpéwomo nak aptémakxa, esexnáneykpekxohok apagko' eyke chá'a kápekxak aptémakxa ekmaso m'a énxet ekmaso nak aptémakxa'.