Proverbios 14:3 - Biblia Enxet

³ Keyxkohok chá'a appeywa m'a énxet ekyeyháxma nak; keñe m'a énxet apya'áseykegkoho nak aqsok, kamyók chá'a m'a aptáhakxa enxoho chá'a appeywa.

Proverbios 14:3 Referans Kwoze

Proverbios 12:6

Kelhanma segaqhamo appeywa m'a énxet ekmaso nak aptémakxa'; negwagkásamáxche teyp akke m'a ektémakxa nak chá'a appeywa m'a énxet appéwomo nak.

Daniel 7:20

Éltamhók axta han ko'o ay'asagkohok ektémakxa m'a diez kepet'ák nak, keñe han ma'a kepetek étkók ekha axta aqta'ák, eyeyxkoho axta chá'a ekpaqmétencha'a, máxa ekwányam axta táhak neyseksa m'a mók kepet'ák nak, ekyaqmagkasa axta m'a ántánxo ekpalleyam nak.

Proverbios 28:25

Etekkesek chá'a apkelenmexamap ma'a énxet apmopmenyého nak chá'a étak aqsok apagkok; kaxámagkok eyke aqsok apagkok ma'a énxet apteme nak chá'a apcháyo Wesse' egegkok.

Proverbios 22:8

Énxet aptekkesso nak aqsok ekmaso, kápekxak sa' aqsok ekmaso aptekkesso; ¡Emasséssók sa' Wesse' egegkok yetlo aplómo apagko'!

Proverbios 21:24

Énxet apkeltémo nak chá'a kóllanha tén han eyeymáxkoho apwáxok, ekyenneykha appeywa chá'a eltamhakpok ma'a énxet apkeltémo nak chá'a kóllanha aptáhakxa.

Proverbios 18:6

Nélátegmómaxche chá'a katekkesek appeywa m'a énxet ekyeyháxma nak; appeywa chá'a kasexnenak kólyekpexchetmakha.

Salmos 57:4

Ekyetnegkek ko'o náxop neyseksa yámakméwa ektómo nak chá'a énxet; máxa sawhéwa m'a am'ák nak, tén han yágke aktek, keñe m'a axkok nak, ekhawo m'a sókwenaqte ekmahantal'a.

Salmos 12:3

Wesse', emasséssamho apagko' ma'a apkelxeyenma nak chá'a meltemegweykmoho exma, tén han ma'a éleymáxkoho nak chá'a apkelpaqméteykha,

Job 5:21

Emyók sa' neyseksa kéltekkessáseykha aqsa apwesey, megyekyek sa' nahan ekwa'a enxoho aqsok ekmaso ekmassésseykmoho nak aqsok.

1 Samuel 2:3

Méko sa' keyxkohok ekpeywa kapaqmeyesmakha, méko sa' kapaqmeyesmakha kaxénaxchekxohok agko', hakte Wesse' egegkok apteme Dios apya'áseykegkoho ekyókxoho aqsok, cha'a apkelyetsátéyak chá'a aqsok apkelane nak énxet tén han apkelyekpelchémo.

Salmos 31:18

Elwanmeyásekxa m'a apkelmopwancha'a amya'a nak, apkelasmésso nak chá'a yetlo apkelwanyeykha m'a énxet'ák meyke nak apkeltémakxa, tén han apkeltaqnagko nak chá'a.

Proverbios 14:4

Méko agkok kéltósso yaqwayam kólchakkasek, méko katnehek aqsok ekyexna eknakxamáxche m'a namyep; keñe m'a ekha enxoho kéltósso ekyennaqte, xámok katnehek eknakxamáxche.

Proverbios 13:3

Nenláneykegkoho nentáhakxa nempeywa, cháxa negmeyókaxkoho egagkok egagko' xa; etwasakpohok apagko' eyke chá'a m'a énxet ekxákma nak appeywa.

Proverbios 18:7

Appeywa apagko' chá'a kasexnáneyekxak ma'a énxet ekyeyháxma; kápekxohok agko' chá'a m'a aptáhakxa enxoho appeywa.