Proverbios 14:27 - Biblia Enxet

²⁷ Nenteme negáyo Wesse' egegkok, cháxa éñamakxa m'a ekyennaqte nak egnények, segmallahanchessamól'a sẽlpextehetma nétsapma.

Proverbios 14:27 Referans Kwoze

Proverbios 13:14

Cham'a éñamakxa ekyennaqte egnények ma'a ektémakxa nak chá'a sẽlxekmósso m'a énxet apya'áseykegkoho nak aqsok, segmallahanchessamól'a sẽlpextehetma nétsapma.

Isaías 33:6

egkések sa' chá'a ektaqmalma apheykha énxet'ák ma'a. Aqsok ekmomnáwa segwagkassamo teyp ma'a ekha nak negya'áséyak tén han negyekpelchémo; ekxámokma aqsok egagkok akke m'a negaye nak Wesse' egegkok.

Proverbios 22:5

Xámok kelhanma ámay apagkok ma'a énxet ekmaso nak aptémakxa'; tén han am'ák, étnakhaksek eyke chá'a m'a apmeyámakpoho apagko' nak chá'a.

Salmos 18:5

Ewakhayak axta ko'o m'a nétsapma; ¡ketók axta ko'o semomakxa m'a kelhanma segaqhamo nak!

Eclesiastés 7:26

Ekwetayak axta ko'o xama aqsok ektáha ekmáske agko', megkaxnawo m'a nétsapma nak: cham'a kelán'a ekmomól'a egwáxok hentawasha, sempekkeneykhal'a chá'a awáxok hegmok. Énxet ekleklamo nak apwáxok Dios, megyohok sa' kamok apwáxok ma'a, keñe sa' eyke m'a énxet mey'assáxma nak, kamok sa'.

Proverbios 10:27

Ahóxek katnehek negha m'a nenteme nak chá'a negáyo Wesse' egegkok, kólyaqwátesseshok eyke chá'a apheykha m'a énxet'ák élmasagcha'a nak apkeltémakxa'.

Proverbios 14:26

Nenteme negáyo Wesse' egegkok, cháxa nenteme ekyennaqte magya'ásseyam xa, apkelmasma nak chá'a m'a kélketchek.

Proverbios 14:28

Ekyawe apcheymákpoho etnehek wesse' apwányam ma'a apxámokma nak énxet'ák apagkok; mékoho eyke etnehek wesse' apwányam ma'a apqántawók enxoho énxet'ák apagkok.

Proverbios 19:23

Kawegqohok negweynchámeykha m'a nenteme nak chá'a negáyo Wesse' egegkok; kapayhekxak chá'a egwáxok neyseksa negha, méko katnehek xama aqsok ekmaso nenlegeykegkoho.