Proverbios 14:25 - Biblia Enxet

²⁵ Ewagkashok chá'a teyp pók ma'a apxeyenma nak chá'a ektáha naqso' apweteykegkoho; esexnenak eyke han chá'a pók yetsapok ma'a apxeyenma nak chá'a apweteykegkoho megkamámnaqsoho.

Proverbios 14:25 Referans Kwoze

Proverbios 14:5

Metnehek apmopwána amya'a m'a apxeyenma nak chá'a apweteykegkoho naqso'; apmopwána amya'a eyke chá'a etnehek ma'a apxeyenma nak chá'a apweteykegkoho megkamámnaqsoho.

Proverbios 11:30

Katekkeshok chá'a ekyennaqte apnények énxet ma'a aptamheykha nak énxet ekpéwomo aptémakxa', kaqhohok eyke chá'a énxet ma'a ektémakxa nak apyennaqteyáseykha apyempehek.

Proverbios 12:17

Énxet apxeyenma nak chá'a amya'a ekmámnaqsoho, etekkesek chá'a aqsok ekpéwomo; keñe m'a apmopwána amya'a nak chá'a, enaqtawasagkohok chá'a apnámakkok elyexanchesha.

Proverbios 19:5

Kóllegássesagkohok sa' chá'a m'a apxeyenma nak chá'a apweteykegkoho megkamámnaqsoho; mopwanchek sa' yegketakpok ma'a énxet apteme nak chá'a apmopwána amya'a.