Proverbios 14:24 - Biblia Enxet

²⁴ Énxet ekha nak apya'áseykegkoho aqsok, ekha kéláyo chá'a katnéssesek ma'a apmopwána nak aqsok; keñe m'a élyeyháxma nak, kólya'asagkohok chá'a aptamhéyak élyeyháxma.

Proverbios 14:24 Referans Kwoze

Isaías 33:6

egkések sa' chá'a ektaqmalma apheykha énxet'ák ma'a. Aqsok ekmomnáwa segwagkassamo teyp ma'a ekha nak negya'áséyak tén han negyekpelchémo; ekxámokma aqsok egagkok akke m'a negaye nak Wesse' egegkok.

Proverbios 27:22

Kóltekxók eykhe yetlo aqsok aktek ma'a énxet ekyeyháxma nak, megkamassehek eyke apteme ekyeyháxma'.

Salmos 112:9

Emlaskok chá'a eyeyméxchexa aqsok ma'a meyke nak aqsok apagkok, megkamassegwomek sa' chá'a aptémakxa memasma aqsok apagkok, tásek sa' chá'a katnehek apxénamap.

Proverbios 10:22

Ekxákma aqsok egagkok hegwetaksek ma'a ektémakxa nak Wesse' egegkok sempasmo, megkeypetchek ma'a nenlegeykegkoho nak.

Proverbios 13:8

Aqsok apagkok chá'a kawagkasek teyp ma'a énxet ekxámokma nak aqsok apagkok; keñe m'a meyke nak aqsok apagkok, meñeyk chá'a xama enxoho kólmáwhok kólteméssessamhok exma ekmaso.

Proverbios 14:23

Awanchek hempasmok ma'a negwasqápeykekxoho nak chá'a nentamheykha; meyke aqsok egagkok akke antéhek ma'a nempaqméteykha naqsa nak chá'a neghakxa'.

Proverbios 21:20

Yetneyk aqsok éltaqmalma tén han sokmátsa apxagkok ma'a énxet apya'áseykegkoho nak aqsok, esáwak eyke chá'a aqsok apagkok ma'a énxet ekyeyháxma nak.