Proverbios 14:19 - Biblia Enxet

¹⁹ Elháxahagkok sa' chá'a énxet'ák élmasagcha'a nak apkeltémakxa' apmonye'e m'a énxet'ák éltaqmalma nak apkeltémakxa'; keñe sa' ma'a melya'assáxma nak, elpaqmésmakha sa' átog apagkok eltamhok epasmok ma'a énxet'ák élpéwomo nak apkeltémakxa.

Proverbios 14:19 Referans Kwoze

Malaquías 4:3

Cháxa ekhem sekpagkanma nak ko'o, máxa yagkamex sa' kólteméssesek kéxegke kólteyammaha m'a élmasagcha'a nak apkeltémakxa'.

Génesis 42:6

Apkeláneykha apchókxa axta han ma'a José, axta apkelmeyáseyak han chá'a hótáhap apaktek énxet'ák apkelwayam axta chá'a apkeleñama ekyókxoho yókxexma. Xama axta apkelwokmo apkelpepma m'a aphakxa nak, apkelháxahanteyk axta ekwokmoho apkeltekxeyágko élpayhakxa nápaqta'a xóp.

Isaías 60:14

Elya'áwak sa' kéxegke m'a apketchek nak énxet'ák apnaqtawáseykegkoho axta chá'a, eltekxeyagkok sa' aptapnák kélmonye'e, metwasha apagko' sa' elháxahagkok eltekxeyagkok aptapnák xóp kélchaqnágkaxa apyókxoho m'a ektáha axta chá'a apkelwanyeykha, eltéhek sa' nahan Jerusalén ‘Wesse' egegkok Tegma Apwányam apagkok’, ‘Dios Aptaqmalma nak Israel Sión apagkok’.

Éxodo 8:8

Tén axta faraón apkeltamho kólyentawakxések ma'a Moisés tén han ma'a Aarón. Aptáhak axta apkeláneya s'e: —Hẽlmaxnésses hana Wesse' kélagkok yaqwayam hẽlántekkessesek se'e paha' nak, ko'o tén han ma'a énxet'ák ahagkok, tén sa' wohok elxog énxet'ák apagkok yaqwayam egkések kélnaqtósso ektekyawa m'a Wesse' apagkok.

Proverbios 11:29

Énxet meltaqmelchesso nak ekheykha apxagkok, meyke xama aqsok apagkok sa' katnehek; énxet apya'áseykegkoho aqsok sa' chá'a etnehek apchásenneykha m'a énxet ekyeyháxma nak.

Salmos 49:14

Nétsapma chá'a éláneykha xa énxet'ák nak, eknaqleykekxa chá'a m'a takhaxpop nak, máxa aptamheykegkok ma'a nepkések yaqwayam la'a etekyók. Kelsakak sa' agkok, elmallánek sa' ma'a éltaqmalma nak apkeltémakxa, keñe sa' ma'a élmasagcha'a nak apkeltémakxa, kamaskok sa' apkelyennaqte, takhaxpop sa' etnehek apxanák.

2 Reyes 3:12

—Nak sa' hẽltennaksek amya'a eñama nak Wesse' egegkok ma'a —axta aptáhak apchátegmowágko Josafat. Yetlókok axta apmahéyak wesse' apwányam Israel ma'a, tén han Josafat wesse' apwányam nak Edom, apyo'ókmo m'a Eliseo;

1 Samuel 2:36

Keñe sa' ma'a ektáhakxa enxoho meletsapma m'a apnámakkok, elmeyenták sa' chá'a eltekxekwaták aptapnák apmonye' elmaxnak selyaqye aktek élmope, essenhan ma'a pán nápakha, elmaxneyha aptamheykha nepyeseksa m'a apkelmaxnéssesso nak énxet'ák ahagkok, yaqwayam étak apto.’”

Éxodo 11:8

Tén sa' elxegmak hey'áwak ko'o apyókxoho apkeláneykha nak xép se'e, eltekxeyagkok sa' aptapnák etnehek heyának se'e: ‘Kólxeg, xép tén han ma'a apyókxoho énxet'ák ektáha nak chá'a exchep apkelyetleykha.’ Sa' agkok katnahak xa, maxñehek sa' makham. Aplókók apagko' axta Moisés aptepa m'a aphakxa faraón.

Génesis 43:28

Apkelháxahanteyk axta aptáha apcháneya s'e: —Apmeyhek makham negko'o m'a egyáp, aptáha nak xép apkeláneykha. Apheyk makham.

Proverbios 14:18

Énxet meyke nak élchetámeykha apkelwáxok, kápekxak aqsa chá'a m'a segyeyháxma nak; keñe m'a ekha nak élchetámeykha apkelwáxok, elxawagkok sa' apkelya'áseykegkoho aqsok.