Proverbios 14:17 - Biblia Enxet

¹⁷ Megkalchetmek chá'a sekxók apwáxok yaqwánxa elának aqsok ma'a énxet ekmanyehe nak elwok; keñe m'a élchetámeykha nak chá'a sekxók apwáxok, mepekhésakpe'.

Proverbios 14:17 Referans Kwoze

Proverbios 14:29

Énxet mepekhésso nak chá'a elwok, cháxa magkenatchesso ekyetna ekyawe apyekpelchémo aqsok; énxet appekhésamap nak, cháxa magkenatchesso apteme ekyeyháxma.

Proverbios 29:22

Etekkesek chá'a apkelenmexamap ma'a énxet apyennaqteyáseykha nak chá'a apyempehek, xámok han chá'a katnehek megyaqhémo aptáhakxa m'a ekmanyehe nak elwok.

Eclesiastés 7:9

Ná etne aqsa ekmanyehe elwok, hakte énxet ekyeyháxma apagkok ma'a nenlo nak.

Proverbios 15:18

Etekkesek chá'a éllámaxche m'a énxet ekmanyehe nak chá'a elwok; emasseksek eyke chá'a m'a énxet mepekhésamap nak chá'a elwok.

Proverbios 22:24

Ná etne apkelásekhayókxa tén han apkelxegexma'a m'a énxet'ák apkelyennaqteyáseykha nak chá'a apyempe'ék, tén han apkelnatheyáseykha nak chá'a,

Proverbios 16:32

Tásek etnehek mepekhésso nak elwok énxet, kaxnók etnehek ma'a apyennaqte; tásek yepwának apkeláneykegkoho aptémakxa énxet, kaxnók elmok ma'a tegma apkelyawe nak.

Isaías 32:7

Keñe m'a énxet apmopwána nak elyexanchesha pók yásenneykxak chá'a m'a ektémakxa nak apmopwána apteme apmopwána amya'a, elánekxak chá'a yaqwánxa etnehek elának ma'a aqsok ekmaso agko' nak; apmopwána amya'a chá'a etnehek etwássesha apheykha m'a énxet'ák meyke nak aqsok apagkok tén han ma'a ekha nak chá'a eyeyméxchexa aqsok ma'a apxanák apkeltémo nak chá'a kóltaqmelchessásekxak apheykha.

Proverbios 12:16

Yahamok chá'a elwok ma'a énxet ekyeyháxma; megyeyxók eyke chá'a aptaqnómap ma'a énxet apya'áseykegko nak aqsok.

Proverbios 12:2

Yásekhohok chá'a Wesse' egegkok ma'a énxet ektaqmalma nak aptémakxa', eñássesagkohok eyke chá'a m'a énxet ekmaso nak élchetámeykha apwáxok.

Proverbios 6:18

énxet élchetámeykha nak chá'a apkelwáxok elanagkok aqsok ekmaso, énxet ekmanyehe nak chá'a elanagkok aqsok ekmaso,

Ester 3:6

Axta nahan kaxénak apwáxok eñássesagkohok aqsa apxakko' kéltennasa apteme judío m'a Mardoqueo, yetlókok axta nahan ekxeyenma apwáxok emasséssók ma'a apyókxoho judíos apheykencha'a axta m'a aptémakxa axta wesse' apwányam ma'a Asuero.

2 Reyes 5:12

¡Keltásek ma'a wátsam ekhágko nak Damasco, cham'a Abaná tén han Farfar! ¡Kaxnók ma'a ekyókxoho wátsam nak Israel! ¡Táse' nak axta eykhe ayaqpássekxak ma'a keñe ataqmelwók! Aplókók apagko' axta han aptaqháwo.

Proverbios 14:16

Yáwhok elának aqsok ekmaso m'a énxet apya'áseykegkoho nak aqsok, étnakhaksek nahan, keñe m'a énxet ekmaso nak aptémakxa', megyekyek chá'a elána'.

Proverbios 14:18

Énxet meyke nak élchetámeykha apkelwáxok, kápekxak aqsa chá'a m'a segyeyháxma nak; keñe m'a ekha nak élchetámeykha apkelwáxok, elxawagkok sa' apkelya'áseykegkoho aqsok.

Proverbios 20:3

Payhawók etnehek énxet melátegmómap chá'a pók, hakte cháxa ektaqmela antéhek xa, apwanchek eyke etekkesek aqsa chá'a m'a ekyeyháxma nak.