Proverbios 14:14 - Biblia Enxet

¹⁴ Kalkohok chá'a apwáxok elanok aptémakxa m'a ekyeyháxma nak; kalkohok han chá'a apwáxok elanok aptémakxa m'a énxet meyke nak aptémakxa.

Proverbios 14:14 Referans Kwoze

Proverbios 12:14

Aqsok ektaqmela nak chá'a nenxeyenma, awanchek hempasmekxa', anxewekxak han chá'a ekyánmaga aqsok nenlane.

Jeremías 8:5

Israel, ¿yaqsa eyke ektéma sénmexeykekxo nak? Jerusalén, ¿yaqsa eyke ektéma seyamasma agko' nak ko'o? ¿Yaqsa ektéma aptéma nak ekyennaqte apwáxok tén han memáheyo nak hey'óta'?

Jeremías 2:19

Kéltémakxa ekmaso kélagko' sa' kéxegke kallegassásegkokxa', kélyamasma kélyetleykha Dios sa' kalsexnena'. Kalchetam sa' kélwáxok keñe sa' kólya'ásegwók asagkek ko'o hélyenyók, tén han askehe', tén han mehélakawo enxoho, ko'o sektáha nak Dios Wesse' kélagkok. Ko'o sekxeyenma xa, sektáha nak Wesse' ekha sekyennaqte.

Sofonías 1:6

Amasséssók sa' han ma'a seyamasma nak ko'o, mehektamso nak chá'a tén han mehey'eykekta nak chá'a etegyaha sekpeywa.”

Jeremías 17:5

Aptáhak Wesse' egegkok se'e: “Etaqnaweykpok sa' chá'a m'a ekyamasma nak chá'a ko'o apwáxok, apchásenneykekxa nak chá'a m'a énxetók xamo', apye'eykekxa nak chá'a eltamhok epasmok.

Proverbios 14:10

Ya'ásegkók egwáxok ektémakxa nak eklegeykegkoho ekmáske, megkagkések nahan ekpayheykekxa awáxok ma'a megkateykxa nak.

Oseas 4:16

Hénmexekxohok ma'a Israel, máxa weyke étkok ekmeymente; ¿Apwancheya enaqlók kéxegke Wesse' egegkok ma'a ektaqmelakxa nak pa'at, ektémól'a m'a nepkések apketkók la'a?

Ezequiel 22:31

Cháxa keñamak sekyenyénto nak ko'o séllegassáseykegkoho nepyeseksa xa énxet'ák nak tén han sekmasséssekmo yetlo seklómo ahagko', yaqwayam enxoho ayaqmagkásekxak ma'a apkeltémakxa. Ko'o sekxeyenma xa, sektáha nak Wesse'.’”

Salmos 109:17

¡Tásek kólának katnégwomhok exma ekmaso, hakte apmenyeyk katnehek xa ektáha nak, nágkólana kataqmelek apha hakte mopmenye'!

Proverbios 9:12

Apya'áseykegkoho aqsok sa' agkok xép, sa' kapasmok xa; megkeyxnegwayam appeywa sa' agkok xép, apsexnánémap apagko' sa' etnehek.

Proverbios 12:21

Métyehek sa' ekmaso apha xama enxoho m'a énxet appéwomo nak, keñe sa' ma'a énxet ekmaso nak aptémakxa', káhapwak sa' ekyókxoho ekmaso apha.

Proverbios 14:15

Naqsók chá'a etnéssesek ekyókxoho ektáhakxa enxoho apcháneyákpo m'a énxet meyke nak ekxeyenma apwáxok; elanok eyke chá'a sekxók apmahágkaxa m'a énxet ekha nak ekxeyenma apwáxok.

Proverbios 18:20

Kápekxak sa' chá'a appeywa énxet, ekwokmoho ekleklágwokmo.