Proverbios 14:11 - Biblia Enxet

¹¹ Kólmasséssessók sa' apxanák ma'a énxet'ák élmasagcha'a apkeltémakxa'; tásek sa' eyke katnehek aphéyak apxanák ma'a énxet'ák meyke nak apkeltémakxa'.

Proverbios 14:11 Referans Kwoze

Proverbios 3:33

Aqsok ekmaso chá'a yahak Wesse' egegkok apxagkok ma'a énxet ekmaso nak aptémakxa', aqsok ektaqmela eyke chá'a etekkessesek aphakxa m'a énxet ekpéwomo nak aptémakxa'.

Proverbios 12:7

Apmassegwokmek agkok ma'a élmasagcha'a nak apkeltémakxa', metepagkehek chá'a, keñe m'a apkelpéwomo nak, etepagkok aqsa chá'a aptawán'ák neptámen.

Zacarías 5:4

Aptáhak Wesse' egegkok ekha nak apyennaqte s'e: ‘Eyáphássek ko'o s'e aqsok ekmaso, yaqwayam sa' katxek chá'a apxagkok ma'a apmenyexma nak chá'a tén han ma'a apteme nak chá'a apmopwána amya'a apxeyenma sekwesey. Keytek sa' chá'a aqsok ekmaso m'a kañe' apxagkok, ekweykmoho eksawhéxkoho agko' ma'a yámet éltegyésso nak tén han ma'a meteymog.’”

Proverbios 21:12

Dios apteme nak appéwomo, elanha chá'a apxagkok ma'a énxet ekmaso nak aptémakxa', yehekxak han aqsok élmaso m'a élmasagcha'a nak apkeltémakxa'.

Job 21:28

Kéltáhak kéltegyeyncha'a amya'a s'e: “¿Háxko apyetnákxexa apxagkok ma'a wesse' ekmaso aptémakxa, apnaqtawáseykegkoho nak énxet'ák apagkok?”

Proverbios 21:20

Yetneyk aqsok éltaqmalma tén han sokmátsa apxagkok ma'a énxet apya'áseykegkoho nak aqsok, esáwak eyke chá'a aqsok apagkok ma'a énxet ekyeyháxma nak.

Proverbios 11:28

Énxet apcháyo nak chá'a ekxámokma aqsok apagkok, máxa yámet áwa' ápak sa' etnehek etyamok, keñe sa' ma'a énxet'ák élpéwomo nak apkeltémakxa, máxa yámet élyápaqmátamo áwa' sa' etnahágkok.

Job 8:15

Emáwhok sa' eykhe elmágwok ma'a yátépépe nak, eyetyapok sa' aqsa; emáwhok sa' eykhe elyepetchak ma'a yaweyke támpagkok nak, melmagkehek sa' eyke.

Salmos 128:3

Máxa anmen yámet ekxámokma ekyexna sa' katnehek xép aptáwa' m'a kañe' apxagkok nak; máxa olivo éltekteyapma sa' katnehek kaxmakha apketchek ma'a nekha mésa apagkok.

Job 18:21

Cháxa ektémakxa kamassegwók apyennaqte m'a énxet ekmaso nak aptémakxa', megkamopmenyého nak ey'asagkohok ma'a Dios.

Job 15:34

Méko sa' katnehek aptawán'ák neptámen ma'a élmasagcha'a nak apkeltémakxa, keñe sa' apxanák kalwatnek táxa, ekxamássesso nak aqsok apagkok apkelxawe chá'a ekyánmaga megyánémap exének ektemegweykmoho exma.

Job 8:6

Aptemék sa' agkok xép eyáxñeyo aptémakxa tén han ekpéwomo, tén sa' elanha chá'a, keñe sa' egkeyásekxak makham ma'a apxagkok, ekpayhawo nak exkekxak eñama ekpéwomo aptémakxa.

Proverbios 15:25

Epalchessesek chá'a apxanák Wesse' egegkok ma'a énxet éleymáxkoho nak chá'a apkelwáxok, megyohók eyke chá'a kólmenyexchesek xapop agkok ma'a kelán'a tampe'.

Job 8:22

elmegqáwhok apagko' sa' eyke m'a apkelenmexma, kólmasséssessók sa' nahan apxanák ma'a élmasagcha'a nak apkeltémakxa.

Salmos 37:10

Kaxwók sa' emassegwók ma'a énxet'ák élmasagcha'a nak apkeltémakxa; elchetmok sa' eykhe, melwetekxeyk sa' eyke.