Proverbios 14:10 - Biblia Enxet

¹⁰ Ya'ásegkók egwáxok ektémakxa nak eklegeykegkoho ekmáske, megkagkések nahan ekpayheykekxa awáxok ma'a megkateykxa nak.

Proverbios 14:10 Referans Kwoze

Proverbios 18:14

Énxet apháxamap nak, awanchek kagkeyásekxak makham apyennaqte m'a ekxeyenma nak makham apwáxok eweynchamha, agkok kaxénak chá'a apwáxok eweynchamha, méko kagkeyásekxak apyennaqte.

Proverbios 15:13

Ekpayheykekxa egwáxok, kátsaha négát; élapwayam egwáxok, megkátsaha négát.

Job 10:1

¡Éleklágwokmek sekweynchámeykha! Altennaksek sa' ektémakxa aqsok megkaleklo ewáxok, mamágwakxeyk sa' axénmakha eklo ewáxok.

Job 7:11

Cháxa keñamak mamako nak ko'o awanmeyekxa'. Mamágwakxeyk sa' axénmakha seklegeykegkoho, tén han eklo ewáxok.

1 Samuel 1:10

Keñe m'a Ana kelekxagweyha axta, yentexók agko' axta ektáhakxa awáxok, tén axta ektáha nempeywa nélmaxnagko ekpaqhetchesa Wesse' egegkok.

Ezequiel 3:14

Émpásekxeyk axta néten ma'a Dios apmopwána, etekkessek axta m'a, ekxegkek axta ko'o yetlo ekmayósa ewáxok tén han eklo, apmágkek axta ekyennaqte agko' émek ma'a Wesse' egegkok.

Salmos 25:14

Apxegexma Wesse' egegkok ma'a énxet aptáha nak chá'a apcháyo, elxekmósek chá'a m'a ekhémo mók nélpaqhetchásamáxkoho apagkok nak.

Job 9:18

heyánchessesagkok eklo ewáxok, megyohok allókasek sénnama.

2 Reyes 4:27

Tén axta ekwokmo m'a egkexe aphakxa axta m'a Eliseo, kelpathetchessekmek axta apmagkok. Apyo'ókmek axta Guehazí apnókásencha'a, keñe Eliseo aptáha apcháneya s'e: —Katnehek agkok xa, yentexek ektáhakxa awáxok, meheltennásak ko'o makham Wesse' egegkok ektáhakxa xa.

Génesis 42:21

aptáhak axta chá'a apcháneya pók se'e: —Asagkók agko' neyke agkok nenteméssessamakxa egyáxeg, hakte axta ólyahákxak apkeltamho eykhe yepyóshok anlano', negwet'ak axta eykhe eklegágkoho apwáxok. Cháxa keñamak negwet'a nak néllegeykegkoho.

Job 21:25

Yetneyk eyke han chá'a pók eklo apwáxok, tén han apkeletsapma chá'a meyke apkelwete élpayheykekxa apkelwáxok.

1 Samuel 1:15

—Meheyaqhak ko'o anmen —axta entáhak eyátegmowágko Ana—. Meynak ko'o vino, tén han ma'a anmen ekyennaqte nak, wánxa ko'o seyapa m'a ekyentaxno agko' setnahakxa', éltennássek ko'o nápaqtók Wesse' egegkok ma'a ektémakxa nak seklegeykegkoho.