Proverbios 12:25 - Biblia Enxet

²⁵ Élchetamso apwáxok ekyentaxno chá'a kayaqhápok ma'a énxet; kapeykessásekxohok eyke chá'a apwáxok ma'a kélpaqhetchesso ektaqmela nak.

Proverbios 12:25 Referans Kwoze

Proverbios 16:24

Máxa yányawhéna' apyegmenek ma'a ekmátsa nak nempeywa: hegátsessásekxak chá'a egwáxok, hegmeyásekxak han chá'a axnagkok negyennaqte.

Proverbios 15:13

Ekpayheykekxa egwáxok, kátsaha négát; élapwayam egwáxok, megkátsaha négát.

Proverbios 17:22

Pánaqte ektaqmela m'a ekmátsa nak egwáxok, hegyélaqtéshok eyke m'a ekyaqhápeykha egwáxok nak.

Isaías 50:4

Élxekmóssek ko'o Wesse' egegkok sekmowána sekpeywa yaqwayam enxoho alpeykessásekxak apkelwáxok ma'a apkelyampayo nak. Yókxoho axto'ók chá'a apkeltémo aleyxmakha yaqwayam enxoho weyxhok aptémól'a m'a ekmátsal'a kólxekmósek.

Proverbios 15:23

¡Kalpeykásekxohok chá'a apkelwáxok énxet ekpayhawo enxoho chá'a aqsok nenxeyenma, ekyagwánxa agkok ma'a negaqhawo enxoho kélámenyéxa katnehek!

Zacarías 1:13

Apchátegmowágkokxeyk axta Wesse' egegkok yetlo ektaqmeleykha appeywa m'a apchásenneykha ektáha axta ko'o sepaqhetchesso, yaqwayam etaqmelchessásekxak apwáxok,

Proverbios 12:18

Yetneyk énxet apyenheykha nak chá'a appeywa ekmaso pók, ektémól'a elyetxák pók énxet sawo, awanchek eyke hentaqmelchessók appeywa m'a énxet apya'áseykegkoho nak aqsok, ektémól'a pánaqte.

Proverbios 27:9

Néltexneymáxche' ekmátsa ekpaqneyam chá'a kapeykásekxak egwáxok; kallókashok chá'a egyempehek ma'a segmésso nak chá'a appeywa ekmátsa m'a egmók.

Salmos 42:11

¿Yaqsa katnehek ko'o kayaqhapwomhok ewáxok? ¿Yaqsa katnehek ko'o katneykha ewáxok? Élhaxanmeyk eyke aqsa m'a Dios, cham'a peya nak ko'o alenxanmohok sélpeykessamo. ¡Cha'a apteme ko'o Dios ahagkok ma'a, tén han Sewagkasso teyp!

Proverbios 18:14

Énxet apháxamap nak, awanchek kagkeyásekxak makham apyennaqte m'a ekxeyenma nak makham apwáxok eweynchamha, agkok kaxénak chá'a apwáxok eweynchamha, méko kagkeyásekxak apyennaqte.

Proverbios 25:11

Hawók nennatanma sawo ekyátekto élyenma kélpáxaqteyáseyak la'a sawo ekmope élyenma m'a nempeywa negaqhémo nak chá'a nentáhakxa nempeywa.

Salmos 38:6

Yókxoho ekhem ekyaqhápeykha ewáxok, sekháxaheykha, tén han sélapwayam.

Proverbios 15:15

Yentexek chá'a katnehek apha yókxoho ekhem ma'a aplegeykegkoho nak ekyentaxno apwáxok; yókxoho ekhem akke katnehek chá'a ektaqmalma apha m'a ekpayheykekxa nak chá'a apwáxok.

Proverbios 14:10

Ya'ásegkók egwáxok ektémakxa nak eklegeykegkoho ekmáske, megkagkések nahan ekpayheykekxa awáxok ma'a megkateykxa nak.

Proverbios 12:26

Énxet appéwomo chá'a apxekmósso ámay ma'a pók, keñe m'a élmasagcha'a nak apkeltémakxa, elyetnakhágwók chá'a.

Proverbios 15:30

Kapayhekxak chá'a egwáxok negwet'a enxoho eyátsencha'a nápat egmók; kallókashok chá'a egyempehek nenleg'a enxoho m'a amya'a ektaqmalma.