Proverbios 12:24 - Biblia Enxet

²⁴ Énxet apwasqapma nak aptamheykha, néten sa' etnehek nepyeseksa énxet'ák; kélásenneykha naqsa sa' chá'a kóltéhek ma'a apháxamakpoho nak chá'a etneykha.

Proverbios 12:24 Referans Kwoze

Proverbios 12:27

Megyaqhehek apyógkexma m'a énxet apháxamákpoho nak chá'a, xámok eyke katnehek aqsok apagkok ma'a énxet apmopmenyého nak aptamheykha.

Proverbios 10:4

Meyke aqsok egagkok hentemhek ma'a negháxamáxkoho nak antemeykha; xámok eyke katnehek aqsok egagkok ma'a negwasqápeykekxoho nak antemeykha.

Proverbios 17:2

Wesse' chá'a kóltemessásekxak kélásenneykha naqsa apmopwána nak aqsok, apchásenneykha naqsa sa' etnekxak ma'a kélketche ekyeyháxma nak, exkekxak sa' han ma'a aqsok ekpayhawo nak exkekxak ma'a, ektéma nak ma'a pók apkelyáxeg'a nak.

Proverbios 13:4

Apmenyeyk eykhe katnehek aqsok apagkok ma'a énxet apháxamákpoho nak chá'a etneykha, métyehek eyke; xámok eyke katnehek aqsok apagkok ma'a énxet ekha nak aptamheykha.

Proverbios 22:29

Énxet aptaqmelchessamo nak chá'a apkelane aptamheykha, etnehek sa' aptamheykha m'a apheykegkaxa nak apkelwesse'e apkelwányam, metnehek sa' wesse' apagkok ma'a meyke nak kéláyo.

Proverbios 22:13

Etnehek chá'a epaqmétek énxet apháxamákpoho nak chá'a etneykha s'e: “Yámakméwa yagqak ámay, heyaqhek katnehek.”

Proverbios 19:15

Yentexek chá'a katnehek nenteyenma m'a negháxamáxkoho nak, meyk chá'a kaqhek ma'a apháxamákpoho nak chá'a etneykha.

1 Reyes 11:28

Énxet apyennaqte axta han ma'a Jeroboam, megkaye apwáxok xama aqsok; xama axta apwet'a Salomón megyaháxamákpoho xa wokma'ák nak, apteméssessek axta apkemha apmonye' apxegkessesso chá'a apkeltamheykha ekyentaxno m'a apheykegkaxa nak José aptawán'ák neptámen.

Génesis 49:15

Wet'ak axta agkok chá'a ektaqmela apchókxa, tén han ektaqmalma yaqwayam kallókasek ekyampe, kának axta chá'a kólpátegkesek aqsok yaqwayam kalsók, kahaxkohok axta aqsa chá'a kólteméssesha.

1 Reyes 9:21

cham'a aptawán'ák neptámen apkeleymomap axta neptámen ma'a apchókxa', melnapma axta m'a israelitas, apkelméssegkek axta apkeltamheykha ekyentaxno agko' ma'a Salomón, makhemek makham ekteme xa ektáha nak.

1 Reyes 12:20

Xama axta apkelleg'a amya'a énxet'ák Israel apwákxo makham Jeroboam ma'a, apkeltamhók axta kólyentawakxak yaqwayam enxoho ewakxak aphágkaxa m'a énxet'ák, keñe kélteméssesa wesse' apwányam ma'a ekyókxoho apheykegkaxa nak Israel, méko axta xama apyetleykekxa m'a David axta aptawán'ák neptámen, wánxa axta aqsa m'a Judá énxet'ák apagkok.

Jueces 1:28

Xama axta apkelyennaqweykmo m'a israelitas, apkeltemessáseykha axta m'a cananeos, apméssama ekyentaxno apkeltamheykha, mopwanchek axta eyke apmáheyo elántekkesek.