Proverbios 12:18 - Biblia Enxet

¹⁸ Yetneyk énxet apyenheykha nak chá'a appeywa ekmaso pók, ektémól'a elyetxák pók énxet sawo, awanchek eyke hentaqmelchessók appeywa m'a énxet apya'áseykegkoho nak aqsok, ektémól'a pánaqte.

Proverbios 12:18 Referans Kwoze

Proverbios 16:24

Máxa yányawhéna' apyegmenek ma'a ekmátsa nak nempeywa: hegátsessásekxak chá'a egwáxok, hegmeyásekxak han chá'a axnagkok negyennaqte.

Proverbios 15:4

Nentaqmelchessamo nempaqhetchesso egmók ekteme segmésso ekyennaqte egnények; katsagkasek eyke chá'a egwáxok ma'a megkeyxnegwayam nak chá'a nempeywa ampaqhetchesek egmók.

Salmos 57:4

Ekyetnegkek ko'o náxop neyseksa yámakméwa ektómo nak chá'a énxet; máxa sawhéwa m'a am'ák nak, tén han yágke aktek, keñe m'a axkok nak, ekhawo m'a sókwenaqte ekmahantal'a.

Salmos 52:2

Wánxa aqsa ekxéneykencha'a apwáxok elának ma'a aqsok ekmaso, sensexnenagkamo m'a appeywa, máxa sawo ekmahanta m'a apaxkok.

Daniel 11:33

Apxámok sa' etnehek apkelxekmósso énxet'ák ma'a apkelya'áseykegkoho nak aqsok, keñe sa' kólnápekxak ma'a, kólwatnekxak sa' nahan, kólmenyexchesek sa' ekyókxoho aqsok apagkok ekyetnakxa nak, kélásenneykha naqsa sa' kóltéhek ma'a megkatnahakxa nak apkelókxa. Yáma ekwenaqte sa' han katnehek xa.

Proverbios 25:18

Sawo ekyentaxno, sókwenaqte, tén han yágke aktek ekmahamta agko', ¡cháxa apyetchásamákpoho m'a énxet apxeyenma nak aqsa apmopwána amya'a apxegexma meykexho aptáhakxa!

Proverbios 15:7

Yexpánchesha chá'a negya'áseyak aqsok ma'a énxet apya'áseykegkoho nak aqsok; keñe metnehek ma'a énxet élyeyháxma nak.

Proverbios 13:17

Aqsok ekmaso chá'a etekkesek ma'a énxet apseykha amya'a ekmaso nak aptémakxa', etaqmelchessásekxak eyke chá'a apheykha énxet'ák ma'a apseykha amya'a metne nak chá'a apmopwána amya'a.

Proverbios 4:22

Hakte cháxa ekmésso chá'a élyennaqte apnénya'ák tén han élyennaqte apyempe'ék apyókxoho m'a ektáha nak chá'a apkelweteykekxa'.

Salmos 64:3

apkeláneykekxa nak chá'a yaqwánxa etnehek apkelpeywa, ektémól'a sókwenaqte kólmaxneyekxa', melmágweykekxa nak chá'a apkelpeywa elpaqmétek ekmaso, ektémól'a yágke kólhaxtaqpog, segaqhamól'a hegyaqxa'.

Salmos 59:7

Katyapok chá'a apkelpeywa ekmaso, máxa sókwenaqte sempexyekhayól'a m'a apkelpeywa, yának chá'a megkañáxchek apkelpeywa.

Proverbios 12:17

Énxet apxeyenma nak chá'a amya'a ekmámnaqsoho, etekkesek chá'a aqsok ekpéwomo; keñe m'a apmopwána amya'a nak chá'a, enaqtawasagkohok chá'a apnámakkok elyexanchesha.

Salmos 57:5

Dios ahagkok, aphegkek xép ma'a teyp nak néten. ¡Sawheykekxók xép apcheymákpoho nélwanmeygkaxa!