Proverbios 12:11 - Biblia Enxet

¹¹ Xámok katnehek apto m'a énxet apkelchekhamo nak; keñe m'a énxet meyke nak ekxeyenma apwáxok, wánxa aqsa elának ma'a aqsok megkamowána nak kapasmok.

Proverbios 12:11 Referans Kwoze

Proverbios 28:19

Xámok katnehek apto m'a énxet ekha nak apkeneykekxa aqsok namyep apagkok; keñe m'a énxet apkelane nak chá'a aqsok megkamowána nak hempasmok, meyke aqsok apagkok katnehek.

Proverbios 14:23

Awanchek hempasmok ma'a negwasqápeykekxoho nak chá'a nentamheykha; meyke aqsok egagkok akke antéhek ma'a nempaqméteykha naqsa nak chá'a neghakxa'.

Salmos 128:2

Etwok sa' chá'a ekyánmaga aptamheykha, kapayhekxak sa' apwáxok, tásek sa' nahan chá'a katnehek ekteyapma aqsok apkelane.

Proverbios 9:6

Kólwatesák kélteme élyeyháxma, keñe sa' kólweynchamha makham; kólteme aptamheykegkaxa nak ma'a énxet'ák apmopwancha'a nak aqsok.”

Proverbios 14:4

Méko agkok kéltósso yaqwayam kólchakkasek, méko katnehek aqsok ekyexna eknakxamáxche m'a namyep; keñe m'a ekha enxoho kéltósso ekyennaqte, xámok katnehek eknakxamáxche.

Proverbios 7:7

ekwet'ak axta ko'o wokma'ák meyke apkelya'áseyak aqsok, keñe sekwet'a han xama nepyeseksa meyke agko' nak apya'áseyak aqsok.

Proverbios 13:20

Epaxqaha m'a énxet'ák ekha nak apkelya'áseykegkoho aqsok, keñe sa' étak apya'ásegwayam aqsok; epaxqaha m'a élyeyháxma nak, keñe sa' etwasakpok.

Génesis 3:19

Katyapok sa' chá'a apyemes ekpayhakxa nápat étak apto, ekwokmoho aptamhákxo makham xapop, apkeñamakxa axta apkelánamap, hakte xapop xeyep, xapop sa' han etnekxa'.

Proverbios 6:32

¡Meyke ekxeyenma apwáxok aqsok ma'a énxet apkelánesso nak pók aptáwa'! ¡Apsexnánémap apagko' etnehek énxet apteme enxoho xa ektáha nak!

Proverbios 9:16

“¡Kólmeyógma s'e wokma'ák melya'áseyak nak aqsok!” Katnehek nahan chá'a kalának ma'a énxet'ák megkalchetámeykha nak chá'a apkelwáxok:

Proverbios 9:13

Hawók nentémakxa ekyeyháxma m'a kelán'a éltennágwayam la'a aqsa chá'a nátegma, ekyeyháxma tén han megkay'áseyak aqsok.

Salmos 26:4

mapaxqeykha han ma'a apkelmopwancha'a nak amya'a, malyetleykha han ma'a apkelmeyókásamákpoho apagko' nak chá'a apkeltémakxa.

Jueces 9:4

Apkelmágkek axta han setenta selyaqye aktek élmope m'a tegma kélpeykessamókxa axta chá'a Baal-berit, apkelméssek axta m'a Abimélec. Apkelmeyásegkek axta han Abimélec élmasagcha'a nak apkeltémakxa apkeltamho elyetlakxa', cháxa selyaqye nak. Apkelyetlókek axta han xa énxet'ák nak

Jonás 2:8

Eyensamhok chá'a exchep apkelyetleykha m'a apkelpeykessamo nak chá'a kéleykmássesso.

Proverbios 27:27

Kaxek sa' han ekyawe agko' yát'ay neme apyegmenek apagkok, yaqwayam ének xép tén han ma'a ekheykha nak apxagkok, keñe han ma'a apkeláneykha nak.

Proverbios 13:23

Xámo' katnehek nento namyep apagkok ma'a énxet meyke nak aqsok apagkok, kamassegwomhok chá'a nento m'a meykexa nak ekpéwomo nentémakxa.

Proverbios 20:13

Ná etyen chá'a, meyke aqsok apagkok katnehek; etneykha chá'a yaqwayam enxoho kaxek chá'a apto.