Proverbios 11:29 - Biblia Enxet

²⁹ Énxet meltaqmelchesso nak ekheykha apxagkok, meyke xama aqsok apagkok sa' katnehek; énxet apya'áseykegkoho aqsok sa' chá'a etnehek apchásenneykha m'a énxet ekyeyháxma nak.

Proverbios 11:29 Referans Kwoze

Eclesiastés 5:16

Cháxa naqsók ektáha eyaqhe egwáxok xa: nentaqhémo, ekhawo ektémakxa axta sekxók nenteyékmo keso náxop. ¿Yaqsa aqsok katekkessesek ma'a eyaqhémo nak apchaqhamap aptamheykha keso náxop?

Oseas 8:7

Apkeneykekxeyk éxchahayam ma'a, éxchahayam ekyennaqte agko' sa' han enakxagkok; méko sa' aqsok elyaqtennagkok ma'a namyep apagkok nak, méko sa' nahan yaqwayam elanagkok hótáhap ma'a apyexna nak; apkelánegkek sa' agkok ma'a hótáhap nak, pók énxet'ák sa' etawagkok.

Proverbios 15:27

Énxet ekyeykhágweykmoho nak apmopmenyého exámasagkok aqsok apagkok, enaqtawásekxohok apagkok chá'a m'a ekheykha nak apxagkok, keñe m'a aptaqhessamo nak selyaqye apxawe yaqwayam mexének ektemegweykmoho exma', eweynchamha sa' makham.

Proverbios 14:19

Elháxahagkok sa' chá'a énxet'ák élmasagcha'a nak apkeltémakxa' apmonye'e m'a énxet'ák éltaqmalma nak apkeltémakxa'; keñe sa' ma'a melya'assáxma nak, elpaqmésmakha sa' átog apagkok eltamhok epasmok ma'a énxet'ák élpéwomo nak apkeltémakxa.

1 Samuel 25:38

Diez ekhem axta entáhak, aplegassásegkoho makham ma'a Wesse' egegkok, keñe apketsapa m'a Nabal.

1 Samuel 25:17

Asagkek eyke exche' aptémakxa m'a atáwa' nak, aplamche', megkólwanchek kólpaqhetchesek, kalchetam sa' awáxok, kay'asagkoho sa' yaqwánxa katnehek, hakte aqsok ekmaso sa' káhapwak ma'a, tén han ma'a ekyókxoho apnámakkok nak.

1 Samuel 25:3

Nabal axta apwesey xa énxet nak, Caleb axta aptáwen neptámen; énxet megkeyxnegwayam appeywa axta han ma'a, tén han ekmaso aptémakxa. Keñe axta m'a aptáwa' Abigail, tásek axta, awanchek axta han aqsok.

Génesis 34:30

Keñe axta Jacob aptáha apkeláneya Simeón tén han Leví s'e: —Asagkek kéxegke sélteméssesakxa'. Hetaqnók sa' ko'o kaxwók énxet'ák apheykha nak se'e yókxexma nak, cham'a cananeos, tén han ferezeos. Épetchekxak sa' pók hénmexek ko'o, tén sa' hektámegma', heyaqhek sa' ko'o tén han ma'a ekheykha nak exagkok, hakte apqántawok ko'o énxet'ák ahagkok.