Proverbios 11:27 - Biblia Enxet

²⁷ Yásekhakpohok chá'a m'a énxet apketamso nak chá'a aqsok ektaqmela; énxet apketamso nak chá'a aqsok ekmaso, asagkek chá'a katnehek ektáhakxa.

Proverbios 11:27 Referans Kwoze

Proverbios 17:11

Apkelámha apmonye'e aqsa chá'a elenmexmakha m'a énxet aptegyeykha nak chá'a ektemegweykmoho exma ekmaso, xama énxet aplo apagko' sa' eyke kóláphássesek ma'a yaqwayam yaqheykha.

Salmos 57:6

Epekkenchessegkek ko'o emonye' kelhanma m'a sélenmexma nak, yaqwayam enxoho heyelaqtések; emétegkessegkek máxek ámay ahagkok, appalleykekxók apagko' eyke m'a máxek apagkok nak.

Ester 7:10

Kélmakheyáseyha axta Amán ma'a néten yámet élwenaqte nak apkeltémo axta kóllanaksek yaqwayam kólmakhésha m'a Mardoqueo. Tén axta ekmassa aplo m'a wesse' apwányam.

Salmos 10:2

Yetlo éleymáxkoho apkelwáxok chá'a apmáheyók enaqtawasagkohok élmasagcha'a nak apkeltémakxa m'a meyke nak aqsok apagkok; kalmekxohok sa' eyke agko' ma'a kelhanma apnegkenéyak apmáheyo elmok ma'a énxet'ák.

Proverbios 22:9

Dios sa' epasmok ma'a énxet ektaqmeleykha nak chá'a apwáxok elanok apnámakkok, eñama apkelmésso chá'a aptéyak ma'a énxet'ák meyke nak aqsok apagkok.