Proverbios 11:25 - Biblia Enxet

²⁵ Kaxámagkok chá'a aqsok apagkok ma'a énxet memasma nak chá'a aqsok apagkok; exkak nahan chá'a aqsok ma'a énxet apméssamo nak chá'a aqsok pók.

Proverbios 11:25 Referans Kwoze

Isaías 32:8

Keñe m'a énxet ektaqmalma nak aptémakxa tásek chá'a katnehek élchetámeykha apwáxok aqsok apmáheyo elána', meyensemek nahan chá'a aqsok apmáheyo elána'.

Proverbios 28:27

Méko katnehek eyeyméxchexa aqsok apagkok ma'a énxet appasmo nak chá'a m'a meyke nak aqsok apagkok; keñe sa' ma'a memáheyo nak chá'a epasmok, etaqnaweykpohok apagko' sa' chá'a.

2 Samuel 17:28

Apkelsókassek axta taháno apkelyetnamakxa néten, sokpayhe élyawe, tén han weygke apkelánamap nak yelpa', apkelsókassek axta han hótáhap apaktek, tén han apho nak hótáhap, tén han hótáhap, aqsok ekyexna kélyexnáyam, ayóye, yágkeleyke aktek,

Proverbios 3:9

Etne apcháyo Wesse' egegkok elmések aqsok apagkok yetlo m'a émha amonye' ekyexna nak aqsok apkeneykekxa';

Proverbios 3:10

keñe sa' kallanagkohok agko' chá'a aqsok aktek apkeneykekxa m'a apxátamakxa nak chá'a, keñe han ma'a apkelyátamakxa nak vino.

Proverbios 11:24

Yetneyk chá'a énxet memyágweykekxa nak chá'a aqsok apagkok apkelxaweykekxoho aqsok, yetneyk han énxet apmasma nak chá'a aqsok apagkok, meyke aqsok apagkok etnekxa'.

Proverbios 28:25

Etekkesek chá'a apkelenmexamap ma'a énxet apmopmenyého nak chá'a étak aqsok apagkok; kaxámagkok eyke aqsok apagkok ma'a énxet apteme nak chá'a apcháyo Wesse' egegkok.