Proverbios 11:24 - Biblia Enxet

²⁴ Yetneyk chá'a énxet memyágweykekxa nak chá'a aqsok apagkok apkelxaweykekxoho aqsok, yetneyk han énxet apmasma nak chá'a aqsok apagkok, meyke aqsok apagkok etnekxa'.

Proverbios 11:24 Referans Kwoze

Proverbios 19:17

Negmésso aqsok apmeykha naqsa m'a énxet meyke nak aqsok apagkok, cháxa negmésa han Wesse' egegkok ma'a aqsok negmésso naqsa, Wesse' egegkok sa' han eyaqmagkásekxak mók aqsok ektaqmela nenlane.

Deuteronomio 15:10

Kéméxcheyk epasmok chá'a, meyke apyetlókasso eklo apwáxok, hakte aptemék sa' agkok xép xa ektáha nak, etaqmelchessesek sa' chá'a ekteyapma Dios Wesse' apagkok ma'a ekyókxoho aqsok apkelanakxa enxoho chá'a, tén han ma'a apcheynókxa enxoho chá'a apkelane.

Salmos 112:9

Emlaskok chá'a eyeyméxchexa aqsok ma'a meyke nak aqsok apagkok, megkamassegwomek sa' chá'a aptémakxa memasma aqsok apagkok, tásek sa' chá'a katnehek apxénamap.

Eclesiastés 11:6

Eknekxa chá'a aqsok aktek axto'o, tén han taxnám, hakte mey'asagkehek yaqsa kexaha kataqmelek élánteyapma, amonye' apkeneykekxa essenhan ma'a axayo nak apkeneykekxa, essenhan tásek katnehek élánteyapma xa ánet nak.

Hageo 1:6

Xámok kéxegke kélcheneykekxa aqsok, ántawók eyke kélnakxo ekyexna; kélteykegkek eykhe kéltéyak, makke kólyaqkáneykmok; kélyeneykegkek eykhe vino, makke kamassék élnapma ekhem; kélántaxneykekxeyk eykhe kélántaxno apkelyentaxno, makke kalmexanmak kélyempe'ék; keñe m'a énxet kélyánmagkasso nak chá'a apkeltamheykha xama ekhem, megkawakxók chá'a ekyánmaga aptamheykha m'a aqsok élmomnáwa.

Proverbios 11:18

Megkapasmehek ekyánmaga aptamheykha m'a énxet ekmaso nak aptémakxa'; keñe m'a énxet ekpéwomo nak chá'a aptémakxa', naqsók sa' kapasmok ekyánmaga aptamheykha.

Proverbios 28:8

Énxet apxámáseyak nak aqsok apagkok apmeykekxoho nak chá'a néten ekyánmaga, háwe yaqwayam etnehek apagkok, sa' elmekxak ma'a énxet'ák apkelmopyósa nak chá'a elanok ma'a meyke nak aqsok apagkok.

Proverbios 11:23

Tásek chá'a katnehek ekteyapma m'a apkelmopmenyého nak chá'a énxet'ák élpéwomo nak apkeltémakxa'; keñe apkelmopmenyého nak chá'a énxet'ák élmasagcha'a nak apkeltémakxa, wánxa aqsa katekkesek chá'a m'a éllámáxche nak.

Proverbios 11:25

Kaxámagkok chá'a aqsok apagkok ma'a énxet memasma nak chá'a aqsok apagkok; exkak nahan chá'a aqsok ma'a énxet apméssamo nak chá'a aqsok pók.

Proverbios 13:7

Yetneyk énxet meyke agko' nak aqsok apagkok apkeltemessásamap nak chá'a ekxákma aqsok apagkok, yetneyk han énxet ekxámokma nak aqsok apagkok, máxa eyke meyke aqsok apagkok chá'a etnahágkok.

Proverbios 28:27

Méko katnehek eyeyméxchexa aqsok apagkok ma'a énxet appasmo nak chá'a m'a meyke nak aqsok apagkok; keñe sa' ma'a memáheyo nak chá'a epasmok, etaqnaweykpohok apagko' sa' chá'a.

2 Crónicas 31:10

tén axta m'a apkemha apmonye' apkelmaxnéssesso Dios énxet'ák apagkok Azarías, Sadoc axta aptáwen neptámen, aptáhak axta apchátegmowágko s'e: “Xámok axta nentéyak sekxók axta eyeynawo kélsáyam aqsok ma'a Wesse' egegkok tegma appagkanamap apagkok, xámok makham éleymomáxche'; keleymomáxchek ekyókxoho xa ekwánxa nak ekxámokma, hakte apkelméssegkek aqsok éltaqmela Wesse' egegkok ma'a énxet'ák apagkok.”

Malaquías 3:8

Keñe ko'o sektáha sélmaxneyencha'a s'e: ¿Apwancheya xama énxet emenyexchesek aqsok ma'a Dios? ¡Hakte élmenyexmeyk chá'a ko'o kéxegke! Keñe kéltáha makham sélmaxneyencha'a s'e: ‘¿Yaqsa aqsok negmenyexchessama chá'a exchep?’ ¡Neykhe m'a ekwayam nak chá'a diez ekyókxoho xama aqsok, tén han ma'a aqsok sélmésso naqsa nak chá'a!