Proverbios 10:6 - Biblia Enxet

⁶ Awanhek katnehek kélpasmo m'a énxet appéwomo nak, keñe m'a ekmaso nak aptémakxa, wánxa aqsa keytek apwáxok ma'a apyennaqteyáseykha nak apyempehek.

Proverbios 10:6 Referans Kwoze

Deuteronomio 28:2

Káhapwak sa' nahan ekyókxoho xa ektaqmalma negha nak, kólxawagkok sa' nahan kéxegke eñama kélyeheykekxoho m'a Dios Wesse' kélagkok.

Proverbios 28:20

Énxet ekpayhémo nak chá'a kóltéhek kéláyo, tásek sa' chá'a katnehek apha; kóllegássesagkohok sa' eyke m'a énxet ekpekhésso nak chá'a etnehek ekxákma aqsok apagkok.

Proverbios 24:25

keñe m'a énxet aplegassáseykegkoho nak ma'a apsexnánémap nak, tásek chá'a katnehek ektáhakxa, kalkohok han apwáxok aptáhakxa m'a énxet'ák.

Proverbios 10:11

Hempasmok chá'a hegmések ekyennaqte egnények appeywa m'a énxet appéwomo nak, keñe m'a ekmaso nak aptémakxa, wánxa aqsa keytek apwáxok ma'a apyennaqteyáseykha nak apyempehek.

Job 29:13

Hegkések axta chá'a ko'o ekpayheykekxa apkelwáxok ma'a ketók apkeletsapmakxa nak; alpeykessásekxak axta chá'a awáxok sekpasma enxoho ko'o m'a xentampe'e nak.

Proverbios 11:26

Kólyemnaha chá'a m'a énxet apmasma nak chá'a hótáhap apaktek; keñe m'a apkexeykekxa nak chá'a, tásek chá'a katnehek apxénamap.

Salmos 107:42

Kalpayhekxak chá'a apkelwáxok énxet'ák meyke nak apkeltémakxa apkelwet'a enxoho xa, keñe chá'a elwanmeyagkok ma'a élmasagcha'a nak apkeltémakxa.

Ester 7:8

Xama axta apkexyekmo makham wesse' apwányam apkenyékto m'a kélcheneykekxexa axta pánaqte exnók, aptaxnegwa'akteyk axta makham ma'a kañe' élánéxchexa axta ektámaxche ekyawe, apwetágwa'akteyk axta nahan Amán apkeltekxeya aptapnák nekha taháno ekwenaqte ekpayhókxa axta ekyetnakhámegkaxa ekyetno m'a Ester, tén axta aptáha apcháneya s'e: —¿Xénchek enxeykel'a nahan xép apwáxok etnéssessamhóxma wesse' ekwányam Ester nahaqtók ko'o s'e kañe' exagkok nak? Appenchesók axta aqsa apteme appeywa wesse' apwányam xa ektáha nak, yetlókok axta kélpathetma m'a Amán kélaqlássessek axta nápat. Tén axta xama xa énxet'ák nak apwesey axta Harboná, aptáha s'e: —Penchásexcheyk yámet élwenaqte veintidós metros ma'a Amán apxagkok yetlo ektegyésso néten, apkeltémo axta kóllanaksek yaqwayam kólmakhésha m'a Mardoqueo, cham'a énxet apkeltennasso axta exchep ekmáheyo emátog, wesse'. —¡Kólmakhésha sa' ma'a! — axta aptáhak apkeláneya m'a wesse' apwányam.

Proverbios 10:5

Nennakxo nak aqsok negkeneykekxa m'a ekmakhetmakxal'a, cháxa nenteme negya'áseykegkoho aqsok xa; keñe m'a nenteyenmo nak aqsa m'a ekhem nennakxamakxal'a aqsok negkeneykekxa', cháxa nenteme meyke negmegqakto xa.

Abdías 1:10

“Emegqáwhok apagko' sa', kólmasséssók sa' nahan megkatnégwayam néxa, eñama aptawáseykegkoho m'a apyáxeg Jacob tén han apchaqhe.

Proverbios 3:33

Aqsok ekmaso chá'a yahak Wesse' egegkok apxagkok ma'a énxet ekmaso nak aptémakxa', aqsok ektaqmela eyke chá'a etekkessesek aphakxa m'a énxet ekpéwomo nak aptémakxa'.

Isaías 3:10

Apkeleñémo énxet appéwomo, hakte tásek sa' chá'a katnehek ma'a aqsok apkelane, kataksek sa' ektaqmalma apha m'a aptamheykha eñama apwasqápeykekxoho.