31 Negya'áseykegkoho aqsok chá'a katyapok appeywa m'a énxet ekpéwomo nak aptémakxa', keñe m'a énxet ekmaso nak aptémakxa, kólyaqténchesek sa' apaxkok.
Yetlo apkelya'áseyak chá'a elpaqmétek ma'a énxet'ák éltaqmalma nak apkeltémakxa; yetlo ekmámnaqso' han chá'a etnehek apkelpeywa m'a.
Tásek chá'a katnehek apkelpeywa m'a énxet apkelya'áseykegkoho nak aqsok; keñe m'a énxet ekyeyháxma nak, kéméxcheyk chá'a kólyekpexchetchesek apkapok.
Hempasmok chá'a hegmések ekyennaqte egnények appeywa m'a énxet appéwomo nak, keñe m'a ekmaso nak aptémakxa, wánxa aqsa keytek apwáxok ma'a apyennaqteyáseykha nak apyempehek.
Kapayhekxak sa' eyke apwáxok wesse' apwányam eñama apmallahanchesso m'a Dios; apyókxoho énxet'ák sa' elmeneykmaksek, cham'a apkeltennasso axta elanaksek aqsok ma'a Dios, keñe sa' ma'a apkelyexancháseykha nak chá'a, kóláhakkasagkok chá'a apatña'ák.
Elwanmeyásekxa m'a apkelmopwancha'a amya'a nak, apkelasmésso nak chá'a yetlo apkelwanyeykha m'a énxet'ák meyke nak apkeltémakxa, tén han apkeltaqnagko nak chá'a.
Magwetyehek xama aqsok ektaqmela m'a ekmaso nak egwáxok; asagkek sa' katnehek ektáhakxa m'a apkelmopwancha'a amya'a nak.
Tásek chá'a katnehek ekpeywa ekxeyenma aqsok, yetlo ektaqmeleykha awáxok nahan chá'a kalxekmósek námakkok.
apteme nak chá'a elpaqmétek se'e: “Egwancha'ak negko'o nélpeywa yaqwayam hegwetaksek aqsok, hẽlwagkasek chá'a teyp nélpeywa. ¿Yaqsa awanchek negko'o hẽlxekmósagkok?”