Proverbios 10:28 - Biblia Enxet

²⁸ Ekpayheykekxa egwáxok yetnak apmonye'e peya nak elxawagkok ma'a énxet'ák élpéwomo nak apkeltémakxa'; keñe m'a énxet'ák élmasagcha'a nak apkeltémakxa', melxawagkek sa' ma'a aqsok apkelmopmenyého.

Proverbios 10:28 Referans Kwoze

Job 8:13

Cháxa ektémakxa han ma'a élmasagcha'a nak apkeltémakxa, megkalxeyenma nak apkelwáxok Dios: megkatyepek ma'a aqsok apkelhaxnéyak.

Proverbios 11:7

Apketsekkek agkok énxet ekmaso nak aptémakxa', kamassegwók han ma'a apkelhaxneykha tén han ma'a ekxeyenma neykhe apwáxok éta'.

Proverbios 14:32

Kasexnáneyekxohok agkok chá'a aptémakxa ekmaso m'a énxet ekmaso nak aptémakxa'; keñe m'a énxet meyke nak aptémakxa, kamyók chá'a m'a meyke aptémakxa nak.

Salmos 112:10

Elwok chá'a apwet'a enxoho m'a ekmaso nak aptémakxa; eltakxek chá'a apma'ák eñama apteme mékoho. Kamassegwók sa' chá'a m'a aqsok apmáheyo nak chá'a elanagkok ma'a ekmaso nak apkeltémakxa.

Job 11:20

Keñe sa' ma'a élmasagcha'a nak apkeltémakxa, kaqhók sa' etegyagkok ekpasmo; melwetágwomek sa' apkelyexanmomakxa', apkeletsapma sa' aqsa elhaxnagkok.

Salmos 16:9

Cháxa keñamak eyátseykencha'a nak ko'o ewáxok, tén han ekpayheykekxo ewáxok. Méko sa' chá'a katnehek ekyókxoho sekyókxa,

Proverbios 11:23

Tásek chá'a katnehek ekteyapma m'a apkelmopmenyého nak chá'a énxet'ák élpéwomo nak apkeltémakxa'; keñe apkelmopmenyého nak chá'a énxet'ák élmasagcha'a nak apkeltémakxa, wánxa aqsa katekkesek chá'a m'a éllámáxche nak.

Salmos 68:4

Kólmeneykmásses chá'a kéxegke m'a Dios, kólmeneykmásses chá'a negmeneykmasso kólxének apwesey; kólpeykesho chá'a kéxegke m'a apxegamo nak chá'a néten yaphope. ¡Kólmés chá'a ekpayheykekxa kélwáxok Wesse' egegkok! ¡Kalpayhekxa chá'a kélwáxok nápaqto'!

Proverbios 29:6

Neykhe kelhanma apagkok énxet ekmaso nak aptémakxa m'a mey'assáxma nak; kapayhekxak eyke chá'a apwáxok neyseksa apha m'a énxet meyke nak aptémakxa, yátsaha chá'a.