Proverbios 1:8 - Biblia Enxet

⁸ Hatte, yeyxho chá'a m'a ektémakxa appékessáseyak apyáp, ná eyenyow chá'a ektémakxa élxekmowáseyak ma'a egken,

Proverbios 1:8 Referans Kwoze

Proverbios 6:20

Hatte, etaqmelches ma'a apkeltémókxa nak etnehek apyáp, nágkalwánaqmágwom ektémakxa nak élxekmósso m'a egken.

Proverbios 30:17

Énxet apwanyémo nak chá'a elanok apyáp aptawáseykegkoho nak chá'a egken ekwányam, payhawok kalhexyawássesek apaqta'ák ma'a kágqag keñe etwok ma'a máma.

Proverbios 2:1

Hatte, elyahakxoho chá'a sektáhakxa enxoho sekpeywa; epekken apwáxok ma'a séltémókxa nak etnehek.

Proverbios 31:1

Lemuel appeywa wesse' apwányam axta m'a Masá, ektémakxa axta élxekmósso egken:

Proverbios 1:10

Hatte, peyk sa' agkok elyexanchesha m'a énxet'ák melya'assáxma nak, ¡ná elyahakxoho aqsa!

Levítico 19:3

“Kólyahakxoho chá'a kélyáp, tén han egken. “Kólteme han chá'a kéláyo sábado ahagkok. Ko'o sekteme Dios Wesse' kélagkok.

Proverbios 7:1

Hatte, elyahakxoho chá'a sekpeywa; epekken apwáxok ma'a séltémókxa nak etnehek.

Proverbios 3:1

Hatte, nágkalwánaqmágwom aqsa m'a ektémakxa nak sélxekmowáseyak; epekken apwáxok ma'a segánamakxa ahagkok nak,

Proverbios 1:15

¡Hatte, ná elyetlow aqsa m'a énxet'ák nak! Ná etne m'a aptamheykegkaxa nak,

1 Samuel 2:25

Asagkek agkok chá'a apteméssesakxa pók xama énxet, apwanchek chá'a enókasha m'a Wesse' egegkok; apkelanak agkok chá'a mey'assáxma xama énxet nápaqtók Wesse' egegkok, ¿yaqsa sa' kamyók?” Axta eyke elyahákxak aptáhakxa apkeláneya m'a apyáp, hakte xeyenmék axta apwáxok Wesse' egegkok elnápekxak ma'a.

Proverbios 5:13

¡Magwaháxenmók apkelpeywa m'a apmáheyo axta chá'a hélxekmósek, magwaháxenmók han ma'a ektáha axta chá'a sélxekmowáseyak,

Proverbios 23:22

Yeyxho chá'a appeywa apyáp, ektáha axta apkelane; ná etaqnaweyha chá'a egken ektáha enxoho ekwányamo'.

Jeremías 35:8

Nélyeheykekxók negko'o ekyókxoho m'a apkeltémókxa axta chá'a antéhek ma'a egyáp nano' Jonadab, magyeneykegkok xama enxoho m'a vino, ekweykekxoho m'a ennaqteyegka'a nak, tén han egketchek,

Rut 3:6

Mahágkek axta Rut ma'a namyep. Temék axta ekyókxoho m'a éltamhókxa axta katnehek ma'a yepyámog.