Oseas 7:9 - Biblia Enxet

⁹ Apsawhéssegkek apkelyennaqte m'a énxet'ák apkeleñama nak mók nekha, meyke apya'áseyak. ¡Weykmók mey'áseykegko ekmópeya m'a apqátek!

Oseas 7:9 Referans Kwoze

Oseas 8:7

Apkeneykekxeyk éxchahayam ma'a, éxchahayam ekyennaqte agko' sa' han enakxagkok; méko sa' aqsok elyaqtennagkok ma'a namyep apagkok nak, méko sa' nahan yaqwayam elanagkok hótáhap ma'a apyexna nak; apkelánegkek sa' agkok ma'a hótáhap nak, pók énxet'ák sa' etawagkok.

Isaías 1:7

Yókxexma ekmaso kéltemessáseykekxak ma'a kélókxa, kelwatnegkek táxa eyáléwe m'a tegma apkelyawe nak. Kélnápaqta'awók nahan apteykegkok kéxegke kélenmexma m'a aqsok kélcheneykekxa nak. Meyke xama aqsok tamhákxak ma'a ekyókxoho nak, máxa m'a ektéma axta kélmassesseykmo m'a Sodoma.

Proverbios 23:35

tén sa' etnehek se'e: “Éltekpagáha eykhe, makke añégkok ekmáske; élyekpexchetáha eykhe han, makke han ay'ásegkok; ekxátekhágwokmek sa' agkok éllawa enxoho sekya, keñe sa' ataqhohok ategyágwakxak makham mók vino.”

2 Reyes 13:22

Apnaqtawáseykegkók axta Hazael ma'a énxet'ák Israel, wesse' apwányam nak Siria, apyennaqtamakxa axta m'a Joacaz.

Isaías 57:1

Apkeletsekkek agkok ma'a énxet meyke nak apkeltémakxa méko keytnakhaksohok awáxok; apmassegwokmek agkok nahan ma'a énxet éltaqmalma nak apkeltémakxa, méko kay'asagkohok apkeletsapa apkelmallana m'a aqsok ekmaso

2 Reyes 15:19

aptaxnegweykmek axta apchókxa m'a Pul, wesse' apwányam axta Asiria, keñe Menahem apkelmésa treinta y tres mil kilos sawo élmope élmomnáwa, yaqwayam enxoho epasmok énnaqtéssesek ma'a aptémakxa nak wesse' apwányam.

Isaías 48:8

Meñeyk xép kaxénaxchek xa, meteyk nahan, hakte yókxoho ekhem ekteme meyke apeyk'ák. Ekya'ásegkók ko'o exchep apteme melane chá'a m'a aptáhakxa enxoho appeywa, apkeltamhomakpek axta exchep ekyennaqte apwáxok ma'a apyetnamakxa axta egken awáxok.

Oseas 4:6

Méko apkelya'áseyak ma'a énxet'ák ahagkok, la'a kélmasséssekmo nak. Keñe exchep apkelmaxnéssesso nak énxet'ák ahagkok, aptaqnagko nak ma'a negya'áseykegkoho, matnéssesek sa' ko'o kaxwók aptamheykha apkelmaxnéssesso énxet'ák ahagkok. Megkaxének sa' ko'o kaxwók ewáxok ma'a aptawán'ák neptámen nak, hakte kelwagqeykmek ma'a nélxekmowásamáxche' ahagkok, ko'o sektáha nak Dios apagkok.