Oseas 7:4 - Biblia Enxet

⁴ Apyókxoho apnaqtawáseykegkoho apnaqteyegka'a xa apkelane chá'a mók, aphawók ma'a táxa axagkok la'a, cháléweyk agkok ma'a, kamaskok apkelwatchásegko táxa m'a ektáha nak apkelwatno, ekwokmoho apkempágko m'a hótáhap kélyélaqtésso.

Oseas 7:4 Referans Kwoze

Jeremías 9:2

¡Kaxho annal'a xama yókxexma sekhamakxa m'a meykexa nak énxet, yaqwayam enxoho axnamok makhawo' akxák apheykegkaxa m'a énxet'ák ahagkok! Hakte apyókxoho aptamhéyak apnaqtawáseykegkoho apnaqteyegka'a m'a apkelánegwayam chá'a mók; tén han appelakkassesso chá'a elsexnenak apnámakkok.

Oseas 4:12

Apkelpaqhetchásamákpók chá'a aqsok apkeláyókxa nak yántéseksek ma'a énxet'ák ahagkok; yámet chá'a elmaha eltamhok elya'asagkohok aqsok megkólya'áseyak nak. Kelmomchek ma'a ektémakxa nak apkelyespagko apkeláneyak megkalmopsexta, melaqhémók chá'a ámay apagkok ma'a énxet'ák ahagkok: apkeláneykegkek apkeltémakxa megkalmopsexta'a apyamasma m'a Dios apagkok.

Oseas 4:2

Wánxa aqsa ekyetnama nélyexancháseykha nak egmók yaqwayam anlána', nenteme nak chá'a negmowána amya'a, tén han nentekyawa, tén han negmenyexma, tén han nennaqtawáseykegkoho nak egnaqteyegka'a, nenlane chá'a mók, keñe han ma'a negyennaqteyáseykha nak egyempehek, megkatnegweykmok néxa apkelnapma apnámakkok énxet'ák.

Jeremías 23:10

Apxámok énxet apnaqtawáseykegkoho nak chá'a apnaqteyegka'a apkelane chá'a mók se'e apchókxa nak, énxet'ák ekmanyehe nak chá'a elanagkok aqsok ekmaso, apchásenneykekxa nak chá'a apkelyennaqte yaqwayam melánekxések apheykha énxet'ák. Cháxa keñamak apyamanma nak Wesse' egegkok ma'a xapop, keñe ekyamáya, kelyameykegkek nahan pa'at ma'a yókxexma meykexa nak énxet.

Oseas 4:10

Etawagkok sa' eykhe aptéyak, melyaqkanmek sa' eyke, eñama apkelyenseyam apkelyetleykha Wesse' egegkok; elanagkok sa' eykhe apkeltémakxa ekmaso megkalmopsexta, melwetyehek sa' eyke apketchek.

Jeremías 9:1

¡Katnoho annal'a ahaqta'ák ma'a ektémól'a ekteyapmakxa yegmen, keñe ahaqta'ák égmen'ák ma'a ektémól'a yegmen ényé, yaqwayam enxoho awónek chá'a yókxoho ekhem tén han axta'a, eñama aptekyawa m'a énxet'ák ahagkok!