Oseas 6:8 - Biblia Enxet

⁸ Énxet'ák élmasagcha'a apkeltémakxa tegma apwányam apagkok ma'a Galaad, apláneyók ma'a énxet'ák apkelnapma nak apnámakkok.

Oseas 6:8 Referans Kwoze

Oseas 12:11

Heykegkek aqsok kéláyókxa éleñama mók nekha m'a Galaad, aqsok kéláyókxa élmowancha'a amya'a eyke. Kélnapmeyk chá'a weyke kelennay'awók ma'a Guilgal; máxa meteymog ektaháneykekxal'a mók temék apkelwatnamakxa nak chá'a aqsok, neyseksa m'a kélpeyncheyam nak xapop namyep.”

Miqueas 7:2

Méko kaxwók énxet ekpéwomo aptémakxa keso náxop, tén han meyenseyam nak ma'a Dios; apkelhaxneykha aqsa chá'a kaxwók apnámakkok yaqwayam elnápok; apnegkenchessegkek aqsa chá'a kelhanma yaqwayam elmok.

Oseas 5:1

“Apkelmaxnéssesso énxet'ák ahagkok, kóleyxho sa' se'e; Énxet'ák Israel, kóltaqmelchesho sa' kélháxenmo; kéxegke wesse' apwányam nak apnámakkok, kóleyxho sa' se'e: Kéxegke sa' kólyekpelchexkoho', hakte máxa kelhanma kélpekkenmal'a kéltemék kéxegke m'a Mispá, tén han xama yám'én kéltegyessól'a m'a egkexe nak Tabor,

Oseas 4:2

Wánxa aqsa ekyetnama nélyexancháseykha nak egmók yaqwayam anlána', nenteme nak chá'a negmowána amya'a, tén han nentekyawa, tén han negmenyexma, tén han nennaqtawáseykegkoho nak egnaqteyegka'a, nenlane chá'a mók, keñe han ma'a negyennaqteyáseykha nak egyempehek, megkatnegweykmok néxa apkelnapma apnámakkok énxet'ák.

Jeremías 11:19

Axta katnaháha ko'o ewáxok, máxa axta ektáhak ma'a nepkések kélyentameykekxal'a aptekyómakxa, meyke sekya'áseyak yaqwánxa hetnéssesek. Axta aptáhak chá'a apkelpaqmeta s'e: “Agyaqtennek kaxwók yámet yetlo ekyexna, ampátekkesek sa' se'e apheykegkaxa nak énxet'ák apkelyenna nak makham, yaqwayam sa' méko kaxwók kaxénwakxohok awáxok.”

Isaías 59:6

Melanakpehek apáwa nentaxno xa yaweyke támpagkok nak; méko kawának kataxnekxak apkelótéyak nak xa énxet'ák nak. Asagkók agko' ekyókxoho aqsok apkeláneyak nak chá'a: apkeláneykegkek chá'a aqsok yaqwayam elyennaqtésha apyempe'ék,

Salmos 59:2

Hewagkas teyp nepyeseksa énxet'ák élmasagcha'a nak apkeltémakxa, nágyoho ko'o heyaqhek ma'a ekyetno nak chá'a apkelyógkexma',

Salmos 10:8

Apkelyexanmeykha chá'a m'a neyáwa nak apheykegkaxa énxet'ák, elyexakpohok chá'a yaqhek ma'a énxet meyke nak aptémakxa. Meyenyókasek chá'a apaqtek elanha m'a énxet meyke nak ekmasma:

1 Reyes 2:5

“Apya'ásegkok xeyep setnéssessamakxa axta m'a Joab, Seruiá axta étche, cham'a apteméssessamakxa axta m'a apqánet sẽlpextétamo apkelwesse'e israelitas: apkelnapma axta m'a Abner, Ner axta apketche, tén han Amasá, Jéter axta apketche, cham'a ekmassegweykmo axta kempakhakma, aphéssessamo mók ma'a apkelnapma nak énxet'ák neyseksa kempakhakma, sesexnenagkama ko'o sephewaya ekyetno sekyógkexma.

2 Samuel 20:8

Xama axta apkelwokmo m'a nekha axta émhakxa meteymog ekyawe, ekpayho nak Gabaón, aptekkek axta apmonye' m'a Amasá. Kempakhakma kélanchesso axta aptaxno m'a Joab, kayhek axta han apyaqhakkasso nepxet ma'a aptétamap, apmakheyáseyha axta han nápakha sókwenaqte yetlo axagkok, leyáxcheyk axta axagkok ma'a sókwenaqte apagkok keñe ekteyekmo náxop.

2 Samuel 3:27

Xama axta apwákxo Abner ma'a Hebrón, apya'ássek axta Joab nekha átog nak tegma apwányam, yaqwayam epaqhetchesek apxakko', cha'a apchaqhakxa axta han apkelyetxaqkasa apwokmo m'a, yaqwayam exnésseshok mók apchaqhássesso m'a apyáxeg Asael.

Josué 21:38

Keñe m'a Gad énxet'ák axta xapop apagkok, kélmésa m'a tegma apkelyawe nak Ramot nak Galaad, yaqwayam etnéssesek tegma apwányam apkelyexánegweykekxexa chá'a énxet'ák, tén han ma'a Mahanaim,

Salmos 141:4

Nágyoho ko'o kaxének ewáxok alának aqsok ekmaso; nágyoho alyetlawha m'a apkeláneykegkoho nak chá'a apkeltémakxa ekmaso, essenhan apasmok apkeláneyak ektámáxche ekyawe m'a élmasagcha'a nak apkeltémakxa.

Oseas 12:12

Apkenyegkek axta Jacob apmaheykegko m'a yókxexma Aram. Aptamheykha axta apkeláneykencha'a nepkések ma'a, yaqwayam étak aptáwa'.