Oseas 5:6 - Biblia Enxet

⁶ Elxog sa' yetlo apnaqtósso nepkések tén han weyke ektamok ma'a Wesse' egegkok, méteyekxeyk sa' eyke, hakte apkexakhamchek ma'a.

Oseas 5:6 Referans Kwoze

Proverbios 1:28

“Hélwónmakha sa' eykhe xa ekhem nak, magwátegmowagkehek sa' eyke ko'o; hélchetmok sa' eykhe, mehelwetekxeyk sa' eyke;

Ezequiel 8:6

Tén axta aptáha seyáneya s'e: “¿Apwet'aya aqsok ekmaso agko' apkeláneykegko nak ma'a énxet'ák Israel, seyenyókassama nak ko'o m'a tegma appagkanamap ahagkok? Étak sa' eyke makham mók aqsok ekmaso agko'.”

Lamentaciones 3:44

Apcháhakkásamákpek yaphope yaqwayam enxoho meñék nélmaxnagko.

Jeremías 7:4

Nágkóleyxho m'a apkelyexancháseykencha'a nak chá'a, aptéma nak chá'a apkelanagkama s'e: ¡Keso apyetna Wesse' egegkok tegma appagkanamap apagkok se'e, keso apyetna Wesse' egegkok tegma appagkanamap apagkok se'e!

Proverbios 15:8

Etaqnawhok Wesse' egegkok aqsok apchaqhássesso m'a énxet élmasagcha'a nak apkeltémakxa', yetlo ektaqmeleykha apwáxok eyke chá'a emok takha' nempeywa nélmaxnagko apagkok ma'a énxet apkelpéwomo nak.

Jeremías 11:11

Wáphaksek sa' ko'o aqsok ekmaso agko' nepyeseksa, megkamopwána nak elegketakpok. Elpáxamha sa' eykhe eltamhok apasmok, magweyxók sa' eyke ko'o. Ko'o sekxeyenma xa, sektáha nak Wesse'.

Isaías 66:3

Yetneyk eyke nahan ma'a apkelnapma nak chá'a weyke kelennay'a, tén han ma'a apkelnapma nak chá'a énxet; apyaqténchesso nak chá'a apyespok ma'a nepkések tén han apwápakhe nak chá'a m'a semheg; tén han apkelmésso nak chá'a aqsok aktek kélcheneykekxa tén han yátapomap éma apagkok; tén han apkelwatno nak chá'a aqsok ekmátsa nak ekpaqneyam éten agkok, apkelpeykessamo nak chá'a m'a kéleykmássesso. Apmenyeyk elanagkok ekyókxoho apkelyéseykha nak chá'a xa ektéma nak élánamáxche aqsok ekmaso agko'.

Proverbios 21:27

Eltaqnawásseshok Wesse' egegkok aqsok apkelmésso naqsa m'a énxet'ák élmasagcha'a nak apkeltémakxa', hakte yetlo ekmaso élchetámeykha apkelwáxok chá'a elmések.

Éxodo 10:9

Aptáhak axta apchátegmowágkokxo Moisés se'e: —Ólxog sa' negko'o yetlo sakcha'álétkók egagkok tén han ma'a apkelwányam egagkok, egketchek apkelennay'a tén han ma'a kelwán'ák nak, tén han ma'a nennaqtósso nepkések, tén han ma'a weyke, hakte awanhek sa' katnehek negko'o nélsawássessamo m'a Wesse' egegkok.

Miqueas 3:4

Xama ekhem sa' kéxegke kólwónmakha Wesse' egegkok, megyátegmowagkehek sa' eyke. Exyánegkesek sa' kéxegke xa ekhem nak, eñama kélláneyak aqsok ekmaso.

Ezequiel 8:18

Alának sa' eyke ko'o aqsok yetlo seklo. Megkalepyósek sa' alanok xama enxoho m'a. Elpáxamha sa' eykhe hewónmakha, magweyxók sa' eyke.”

Jeremías 11:14

Jeremías, ná elmaxnésses aqsa xa énxet'ák nak; ná hey'ásegma aqsa ko'o apkelmaxnagko, náhewónmakha aqsa héltennaksek, hakte magweyxók sa' ko'o apkeltamho enxoho apasmok neyseksa aqsok ekmaso m'a.

Jeremías 14:12

Metawagkehek sa' eykhe aptéyak, magweyxók sa' eyke ko'o m'a apkelmaxneyéyak; xámók sa' eykhe katnehek sélseykentegkesso m'a aqsok apkelwatno, tén han ma'a sélmésso naqsa nak chá'a aqsok ekyexna kélcheneykekxa, megkalchek sa' eyke ko'o ewáxok alano'. Amasséssók sa' wahak kempakhakma, meyk, tén han negmasse ekmaso.”

Oseas 8:13

Aqsok ektekyawa aqsa apmenyeyk ma'a, keñe elnápok chá'a, etawagkok chá'a ápetek ma'a aqsok ektekyawa nak; megkalchehek eyke chá'a ko'o ewáxok xa aqsok nak, ko'o sektáha nak Wesse'; kaxének sa' ewáxok ma'a apkeltémakxa ekmaso apkeláneyak nak, allegássesagkohok sa' eñama melya'assáxma wának eltaqhohok makham ma'a Egipto.

Malaquías 1:10

“¡Kólápekxoho annal'a kélxama kéxegke m'a apátog nak tegma appagkanamap, yaqwayam enxoho megkaqhók makham kóláléwássekxak táxa m'a ekwatnamáxchexa nak chá'a aqsok ahagkok! Massegkek ko'o ekleklamo ewáxok alanok kéxegke, mómenyeyk kaxwók amok takha' m'a kélmésso naqsa nak aqsok kéxegke.

Amós 8:12

Elweynchamha sa' aqsa m'a énxet'ák, etegyagkok Wesse' egegkok appeywa, esawhekxohok sa' apkelweynchámeykha m'a wátsam élyawe nak, eyeynamo m'a nexcheyha nak, ekweykekxoho m'a ekteyapmakxa ekhem nak, melwetágwomek sa' eyke.