Oseas 4:7 - Biblia Enxet

⁷ “Yágweykmók axta aqsa megkólya'assáxma nahaqtók kélxámokma kélagko' axta kélteme kélmaxnéssesso énxet'ák ahagkok; ektaqnómaxche sa' atnessásekxak ma'a ektémakxa nak ekha kéláyo.

Oseas 4:7 Referans Kwoze

Oseas 13:6

“Xama axta ekyeykhágweykmo kéltéyak kéxegke, keleymáxkók agko' axta kélwáxok, tén axta ekmassama ekxeyenma kélwáxok ko'o.

1 Samuel 2:30

Cháxa keñamak sektáha nak ko'o sekpeywa, sektáha nak Israel Dios apagkok, éltennassegkek axta ko'o exchep, tén han apnámakkok etnehek chá'a séláneykha, akke kaxwók ko'o ektáhak se'e: Magwohók sa' ko'o kaxwók kóllának xa aqsok nak, atnéssesek sa' ko'o ekha kéláyo m'a énxet apteme nak chá'a seyáyo, keñe sa' atnéssesek mékoho m'a sewanyémo nak chá'a. Cháxa sektáhakxa ko'o sekpeywa xa, sektáha nak Wesse'.

Malaquías 2:9

Wának sa' ko'o elxénmakha ekmaso kéltémakxa apyókxoho énxet'ák tén han elwanyaha, eñama mehelyaheykekxoho chá'a ko'o kéxegke tén han megkólhéssamo chá'a mók kélxekmowáseyak, apyeykhamap pók aqsa chá'a kélteméssessók.” Ko'o sekxeyenma xa sektáha nak Wesse' ekha sekyennaqte.

Oseas 10:1

Aphawók Israel ma'a anmen yámet ekxámokmal'a ekyexna, xámagkek agkok ma'a ekyexna nak, kaxámagkok han chá'a apkeláneyak ma'a élwatnamáxchexa nak aqsok, yágwokmók agkok chá'a ektaqmalma m'a xapop apagkok nak, kayágwomhok han chá'a aptaqmelchessamo apkeláneyak ma'a meteymog élpagkanamaxche nak.

Oseas 4:10

Etawagkok sa' eykhe aptéyak, melyaqkanmek sa' eyke, eñama apkelyenseyam apkelyetleykha Wesse' egegkok; elanagkok sa' eykhe apkeltémakxa ekmaso megkalmopsexta, melwetyehek sa' eyke apketchek.

Habacuc 2:16

Kólmegqáwhok kélagko' sa' yaqwayam eykhe kóltéhek ekha kéláyo, hakte Wesse' egegkok sa' yagkok xama egheykok ma'a senlegassáseykegkoho nak, yaqwayam sa' kataxchek kélyókxa meyke apáwa, aqsok segmegqasso sa' katnekxak ma'a kéleymáxkoho.

Oseas 6:9

Máxa apkelmenyexma aptamheykegkok apkelhaxneykencha'a chá'a énxet'ák ma'a apkelmaxnéssesso nak énxet'ák ahagkok, yaqhek chá'a énxet'ák ma'a ámay nak Siquem, elanagkok han chá'a m'a aqsok ekmaso agko' nak.

Oseas 5:1

“Apkelmaxnéssesso énxet'ák ahagkok, kóleyxho sa' se'e; Énxet'ák Israel, kóltaqmelchesho sa' kélháxenmo; kéxegke wesse' apwányam nak apnámakkok, kóleyxho sa' se'e: Kéxegke sa' kólyekpelchexkoho', hakte máxa kelhanma kélpekkenmal'a kéltemék kéxegke m'a Mispá, tén han xama yám'én kéltegyessól'a m'a egkexe nak Tabor,

Esdras 9:7

Nanók negko'o nentémakxa ekmaso agko' mólya'assáxma, ekwokmoho makham se'e kaxwo' nak, élmasagcha'a nentémakxa keñamak negko'o sẽlméssama m'a kelwesse'e mók apkelókxa, negko'o tén han ma'a kelwesse'e apkelwányam egagkok, tén han ma'a apkelmaxnéssesso nak Dios énxet'ák apagkok. Nanók ektémakxa negko'o sẽlyensasso chá'a, sẽlnaqleykekxa megkatnahakxa negókxa, sẽlmenyexchesso aqsok egagkok, tén han sẽlwanyeykha, cháxa sentémakxa nak makham se'e kaxwo' nak.

Oseas 13:14

¿Amallahancheseya ko'o peya enxoho emhagkok ma'a kélya'assamakxa nak chá'a énxet apkeletsapma? ¿Awagkaseya ko'o teyp peya enxoho yetsapok? Nétsapma, ¿háxko ekmahágkaxa m'a ekmowána nak hegaqhek? Takhaxpop, ¿háxko ekmahágkaxa m'a senlagassáseykegkoho nak? ¡Megkalapyóshek sa' ko'o kaxwók alanok xa énxet'ák nak!”

Oseas 9:11

Máxa náta sa' katnehek kampak ma'a ektémakxa nak apcheymákpoho m'a Efraín. Mexek sa' chá'a kaxwók sakcha'a kaxwe appalleyam, méko sa' kaxwók katnehek ma'a kelán'ák lós'awo', kamaskok sa' kaxek kélketchek.

Oseas 10:6

Kólsakxak sa' han weyke étkok kéleykmássesso m'a Asiria, yaqwayam sa' kólmések ma'a wesse' apwányam ekyawe nak kéláyo. Keñe sa' emegqeyk ma'a Efraín, kamegqaksek sa' Israel ma'a kéleykmássesso apagkok nak.

Deuteronomio 32:15

“Apmelayak axta m'a Jesurún, apkeltekpageykha axta apmagkok xapop (apmelayók apagko' axta, apkelyenmomchek axta apmele), tén axta apyamasma m'a Dios, ektáha axta apkelane; aptaqnawágweykmek axta m'a apmasma nak chá'a tén han apwagkasso teyp.