Oseas 14:9 - Biblia Enxet

⁹ Kéméxcheyk elya'asagkohok apkelmopwancha'a nak aqsok, tén han ekha nak apkelya'áseyak aqsok se'e amya'a nak: Kelpéwók agko' ámay apagkok ma'a Wesse' egegkok, elyetlók chá'a m'a énxet'ák apkelpéwomo nak, keñe m'a énxet'ák élmasagcha'a nak apkeltémakxa kalpelápagkasek chá'a.

Oseas 14:9 Referans Kwoze

Proverbios 10:29

Elmeyók chá'a Wesse' egegkok ma'a énxet'ák apkeláneyak nak aqsok ektaqmela, emasséssók eyke chá'a m'a énxet'ák apkeláneyak nak chá'a aqsok ekmaso.

Salmos 107:43

Énxet apya'áseykegkoho nak aqsok, kéméxcheyk ey'asagkohok xa, tén han ey'asagkohok segásekhayo m'a Wesse' egegkok.

Daniel 12:10

Apxámok sa' énxet ellegagkohok xa nenlegeykegkoho ekxénáxko nak, elmallánek sa' yetlo kélaxñassáseykekxa apyempe'ék, tén han kélmópessáseykekxa'. Keñe sa' ma'a élmasagcha'a nak apkeltémakxa, elanagkok sa' aqsa makham apkeltémakxa élmasagcha'a, meyke apkelya'áseyak ektáhakxa', keñe sa' ma'a énxet'ák apkelyekpelchémo nak aqsok, elya'asagkohok sa'.

Sofonías 3:5

Aphegkek eyke Wesse' egegkok ma'a tegma apwányam nak; apkeláneyak chá'a aqsok ektaqmela m'a, melaneyk chá'a m'a aqsok ekmaso nak. Yókxoho axto'ók chá'a yának kalanaxchek ma'a aqsok ekpéwomo, meyke kélyeykhasso. Keñe m'a ekmaso nak aptémakxa mey'ásegweykmok ektémakxa m'a negmegqakto.

Jeremías 9:12

¿Yaqsa ekyetna ekyawe ekya'áséyak aqsok yaqwayam enxoho kay'asagkohok xa? ¿Yaqsa apya'assáseykegkoho Wesse' egegkok xa aqsok nak yaqwayam enxoho kawának kaltennásekxohok ma'a námakkok? ¿Yaqsa ektéma ekmasagko nak apchókxa tén han ekyamáya nak exma ektémól'a yókxexma meykexa énxet meykel'a ekyeykhágwayam?

Deuteronomio 32:4

Cha'a apteme segmasma m'a; kelpéwók ma'a aptamheykha nak, kelpéwók nahan chá'a m'a aqsok apkelane nak. Cha'a apteme Dios apmámnaqsoho m'a, méko xama aqsok enxoho megkapéwomo apkelane; ¡appéwomo m'a tén han apmámnaqsoho!

Isaías 26:7

Péwók ámay apagkok ma'a énxet'ák apkelpéwomo nak; Wesse', xép apteméssesso meyke élyapwátéyak ma'a ámay apagkok nak.

Salmos 119:128

Cháxa keñamak seyhayo nak hepékessesagkok ma'a apchánamakxa nak antéhek, ataqnawhok ko'o ekyókxoho m'a nentémakxa megkamámnaqsoho nak.

Salmos 119:75

Wesse', ekya'ásegkók ko'o apchánamakxa nak antéhek ekteme élpéwomo, ekya'ásegkók han chá'a ekpayhawo m'a señássásegkoho enxoho chá'a.

Génesis 18:25

Mopwanchek xép elának xa, elnápok ma'a meyke nak apkeltémakxa yetlo m'a élmasagcha'a nak apkeltémakxa, hakte máxa katnehek ekhawo enxoho mók apkeláneyak melya'assáxma xa. ¡Ná elána aqsa xa! Xép apteme segyekpelchémo apsawheykekxoho ekyókxoho yókxexma keso náxop. ¿Metnésseseya m'a ekpayhawo nak etnéssesek?

Ezequiel 18:25

Hélxének sa' ko'o kéxegke megkapayhawo aqsok sélane; kóleyxho, kéxegke énxet'ák Israel. ¿Xéncheya kélwáxok kéxegke megkataqmela aqsok sélane? ¿Háweya kéxegke m'a megkataqmalma nak chá'a aqsok kéllánéyak?

Isaías 1:28

alyaqtennagkok sa' eyke m'a élyennaqte nak apkelwáxok tén han ma'a melya'assáxma nak, eletsapok sa' ma'a seyamasma nak.

Proverbios 4:18

Máxa kaxwe ekteyapma ekhem élsassóxmal'a ámay apagkok ma'a énxet'ák élpéwomo nak apkeltémakxa': kataqmelchesagkohok aqsa kalsaksek exma, ekwokmoho m'a ekyennaqwokmo élsassóxma.

Salmos 84:7

kántagkok sa' aqsa apkelyennaqte neyseksa apkelxega, elwetágwók sa' Dios meyke ekhémo m'a Sión.

Salmos 84:5

¡Apkeleñémo apkelmésso nak chá'a exchep apkelyennaqte, apkelmopmenyého apagko' nak chá'a elmeyekxak ma'a egkexe apagkok nak xép!

Job 17:9

Elxének chá'a aptamhéyak ekpéwomo apkeltémakxa, tén han melánéyak aqsok ekmaso.

Proverbios 16:21

Apmopwána aqsok chá'a eltamhakpok ma'a énxet élchetámeykha nak chá'a apwáxok, yetlo apya'áseykegkoho aqsok; kalmok nahan chá'a apkelwáxok énxet'ák ma'a nempeywa ekmátsa nak.

Isaías 17:8

Kamaskok sa' elenmexekxohok ekheykegkaxa m'a meteymog apkelwatnamakxa nak chá'a aqsok tén han ma'a mók aqsok apkelane apagko' nak chá'a m'a énxet. Melanók sa' chá'a kaxwók ma'a yámet awhók élpagkanamaxche apkelpeykessamo nak chá'a, tén han ma'a meteymog kélwatnéssamakxa nak chá'a aqsok ekmátsa nak ekpaqneyam éten agkok ma'a aqsok kéláyókxa.

Jeremías 29:12

Keñe sa' kéxegke hélwónmakha chá'a, hélyo'ótagkasek sa' chá'a kélmaxnagko, weyxhok sa' nahan chá'a ko'o.

Ezequiel 11:18

Elwaták sa' makham apkelókxa m'a énxet'ák nak, emassésseták sa' ekyókxoho m'a élánamáxche nak aqsok ekmaso agko' tén han ma'a aqsok ekmanyása nak ekyetno m'a kañe'.

Ezequiel 36:25

Ayaqpássesagkok sa' ma'a yegmen ektaqmalma agko' nak, almópessásekxak sa' ma'a ekyókxoho élmanyása kélyempe'ék, almópessásekxak sa' ma'a élyepetche nak ekmanyása m'a aqsok kéleykmássesso kélagkok;

Zacarías 10:6

Aptáhak Wesse' egegkok se'e: “Agkések sa' ko'o apkelyennaqte m'a Judá aptawán'ák neptámen, alwagkasek sa' teyp ma'a José aptawán'ák neptámen. Anaqlakxak sa' makham ma'a apkelókxa apagko' nak, hakte apyósekak ko'o sélányo m'a. Etnahagkokxak sa' makham ma'a ektémakxa axta maltaqnaweykegko axta chá'a ko'o, hakte ko'o sekteme Dios Wesse' apagkok, sekháxenmo nak chá'a m'a apkelmaxneyéyak.