Oseas 14:1 - Biblia Enxet

¹ ¡Israel, ey'ókxa makham Dios Wesse' apagkok, mey'assáxma axta exchep keñamak aptéyékmo!

Oseas 14:1 Referans Kwoze

Oseas 6:1

Kólchexyem kélyókxoho, agyo'ókxak makham Wesse' egegkok. Ẽlekkexmeyk axta negko'o m'a, sa' eyke hẽltaqmelchessók makham ma'a; ẽlyensáseykegkek axta, sa' eyke hẽlpextehetchesek makham nélyense m'a.

Oseas 12:6

Israel, ey'ókxa makham Dios apagkok; elána m'a aqsok ekpéwomo nak, tén han magyenyaweykha, ná ey'ássem chá'a Dios apagkok.

Jeremías 4:1

Aptáhak Wesse' egegkok se'e: “Israel, peyk sa' agkok kólchexyók, ko'o sa' hélyo'óta'. Kélchexakkek sa' agkok ma'a aqsok kéleykmássesso kélagkok élmasagcha'a agko' nak, tén han mehelyenyawa enxoho ko'o,

Oseas 13:9

Amasséssók sa' ko'o kéxegke énxet'ák Israel, méko sa' awanchek henókasha.

Lamentaciones 5:16

Teyekmek kaxwók ma'a eyaqheykencha'a axta egwáxok; ¡negko'o la'aye, nenláneykegko nak mólya'assáxma!

Oseas 5:5

Apcheymákpoho keñamak Israel eksexnáneya; pelápagkassek Efraín ma'a mey'assáxma apagko' nak, ¡kawakxohok sa' nahan Judá appelápeyam xamo' ma'a!

Jeremías 2:19

Kéltémakxa ekmaso kélagko' sa' kéxegke kallegassásegkokxa', kélyamasma kélyetleykha Dios sa' kalsexnena'. Kalchetam sa' kélwáxok keñe sa' kólya'ásegwók asagkek ko'o hélyenyók, tén han askehe', tén han mehélakawo enxoho, ko'o sektáha nak Dios Wesse' kélagkok. Ko'o sekxeyenma xa, sektáha nak Wesse' ekha sekyennaqte.

Isaías 19:22

Ellegássesagkohok sa' Wesse' egegkok ma'a énxet'ák Egipto, keñe sa' natámen eltaqmelchásekxak makham. Elyo'ókxak sa' makham Wesse' egegkok ma'a, keñe sa' elásekhekxohok makham, eltaqmelchessók sa' nahan.

Ezequiel 33:11

Naqsók eyke ko'o sekxéna sektáha nak Wesse' mamassegwayam, mómenyeyk yetsapok ma'a énxet ekmaso nak aptémakxa, émeñeyk aqsa eyaqmagkasek aptémakxa, keñe megyetsepe'. Israel, eyenyekxa xa aptémakxa ekmaso apmeykencha'a nak. ¿Yaqsa ektéma apkeltémo nak yetsapok?’

Ezequiel 33:14

Éltennássek agkok ko'o ematñekxak xama énxet ekmaso nak aptémakxa, keñe apkelwátésa enxoho apkelane m'a mey'assáxma, elának ma'a aqsok ektaqmela yetlo ekpéwomo aptémakxa,

Oseas 4:8

Xámássessegkek aqsok apagkok melya'assáxma m'a énxet'ák ahagkok, cháxa keñamak kélmámenyého nak elanagkok melya'assáxma m'a énxet'ák ahagkok.

Oseas 9:7

¡Wokmek kaxwók yaqwánxa kóllegássesagkoho'! ¡Wokmek kaxwók yaqwánxa kólyaqmagkásekxak ekpayhawo nak kólteméssesek! ¡Ey'asagkohok sa' eyke Israel ekwokmo enxoho xa ekhem nak! Kéltemék chá'a kéxegke s'e: “Ekyeyháxma m'a Dios appeywa aplegasso nak. Ekyeyháxma m'a énxet apha nak apwáxok espíritu.” Kéltemegkek chá'a kéxegke kélpeywa xa ektáha nak, hakte láneyók kélwáxok ma'a kéltémakxa ekmaso, kéllómok kélagko'.

Oseas 10:12

Axta ektáhak ko'o séláneya s'e: Kólchenekxa sa' kéxegke ekpéwomo nentémakxa', tén sa' kólnakxek kólmekxak ma'a negásekhayo nak. Kólpeynchámekxa sa' makham xapop, yaqwayam sa' kólchenekxak makham aqsok, hakte wokmek kaxwók ekhem yaqwayam kólchetmok Wesse' egegkok, ekwokmoho sa' apwa'akto, apsánto sa' ekxámokma agko' nélwagkásamáxche teyp kélnepyeseksa kéxegke.

Oseas 12:8

Aptáhak Efraín se'e: ¡Naqso', wesse' ko'o ektemék, xámeykekxeyk aqsok ahagkok, méko awanchek ko'o katnehek hexének sekwete aqsok ahagkok eñama sekmenyexeykha!

2 Reyes 8:12

tén axta apkelmaxneyáncha'a Hazael: —¿Yaqsa ektáha apwana nak? Apchátegmowágkek axta Eliseo: —Ekya'ásegkók ko'o exchep peya enaqtawasagkohok ekmaso m'a israelitas, elwatneyásekxak sa' ma'a tegma apkelyennaqte apagkok, elnápok sa' elyetxeygkok sókwenaqte m'a wokma'ák nak, elnáhakkasek sa' ma'a apketchek ketcheyetse nak, elpáxqatchesagkok sa' awokma'ák ma'a kelán'ák lós'awo nak.

Ezequiel 16:46

Nexcheyha eyke eghak ma'a Samaria, yáxa' katnaha étkok nak yetlo m'a étchek; keñe nepyeyam ma'a yáxeg sexyo nak, cham'a Sodoma yetlo nahan ma'a étchek.

Oseas 9:13

Ekweteyak ko'o Efraín apteméssessama apketchek ektémól'a yaqwayam elnápok ma'a apkelnempaqwáméyak: apkelántekkessegkek chá'a yaqwayam etekyók.”

Amós 1:13

Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Amón, megkatnehek sa' mallegassáseykegkoho; hakte apkelpáxqatcháseykegkek axta awokma'ák kelán'ák lós'awo', ekheykha nak Galaad, apmáheyo eyánchesagkok ma'a xapop apagkok.