Oseas 12:12 - Biblia Enxet

¹² Apkenyegkek axta Jacob apmaheykegko m'a yókxexma Aram. Aptamheykha axta apkeláneykencha'a nepkések ma'a, yaqwayam étak aptáwa'.

Oseas 12:12 Referans Kwoze

Génesis 31:41

Veinte apyeyam axta sekha ko'o apxagkok, keso setnamakxa axta ko'o s'e: ektamheykha axta ko'o catorce apyeyam yaqwayam almok ma'a ánet apketchek; keñe axta seis apyeyam sektamheykha yaqwayam almok ma'a aqsok apnaqtósso nak; apxeyenmeyk axta chá'a eyánmagkasek, keñe meyánmagkasek chá'a.

Génesis 27:43

Hatte, elyahakxoho sa' sekpeywa; emhók sa' ekmanyehe agko' exyenmok ma'a Harán, apxagkok nak ma'a eyáxeg Labán.

Deuteronomio 26:5

keñe sa' kóltéhek kólpaqmétek nápaqtók Dios Wesse' kélagkok se'e: ‘Apqántawók apagko' axta negko'o ẽlyapmeyk nanók arameos apkelweynchámeykha naqsa axta chá'a yókxexma meyke apxanák, cham'a apkelweykmo axta m'a Egipto keñe apkelheykmo m'a, apxámágweykmók apagko' axta nahan ma'a, énxet apxámokma axta aptamheykegkok tén han apkelyennaqte.

Génesis 30:26

Hélmeyásekxa étchek, tén han ma'a enaqteyegka'a nak, hakte ektamheykha axta ko'o yaqwayam almok ma'a, heyho ataqhekxa'. Apya'ásegkok xép ektémakxa sektemessáseykencha'a.

Oseas 4:15

“Israel, apkelanak agkok xép aptémakxa megkamopsexta, Judá, ná elána aqsa exchep mey'assáxma, ¡Nágkólmohok aqsa kéxegke m'a Guilgal, tén han ma'a Bet-avén, nágkóltemésses han naqsók kélpeywa yetlo kélxeyenma Wesse' egegkok apwesey!

Oseas 6:8

Énxet'ák élmasagcha'a apkeltémakxa tegma apwányam apagkok ma'a Galaad, apláneyók ma'a énxet'ák apkelnapma nak apnámakkok.