Números 9:8 - Biblia Enxet

⁸ Aptáhak axta apchátegmowágkokxo Moisés se'e: —Kólleyx sa' sekxo', háxko sa' kexa etnehek heyának ko'o Wesse' egegkok exének kéxegke.

Números 9:8 Referans Kwoze

Salmos 85:8

Weyxhok sa' ko'o peya nak exének Wesse' egegkok; hakte exének sa' egkések meyke ektáhakxa apheykha m'a énxet'ák apagkok, cham'a ektáha nak chá'a melyenseyam apkelyetleykha, melánegkokxo enxoho makham apkeltémakxa élyeyháxma.

Números 27:5

Apkeltennássek axta Moisés Wesse' egegkok ektáhakxa axta aqsok élmaxnagko xa kelán'ák nak.

Ezequiel 3:17

“Xép, énxet, ekteméssessek ko'o exchep apkeleyxcháseykha m'a énxet'ák Israel. Éltennássek sa' agkok chá'a exchep xama amya'a, ellegaksek sa' chá'a m'a sekpeywa, yaqwayam sa' ellegak chá'a.

Ezequiel 2:7

Ellegés xép ma'a sekpeywa, lapmaxcheyk sa' elyahakxoho' essenhan melyahakxe', hakte kalyéha'awók agko' apkelwáxok ma'a.

Salmos 25:14

Apxegexma Wesse' egegkok ma'a énxet aptáha nak chá'a apcháyo, elxekmósek chá'a m'a ekhémo mók nélpaqhetchásamáxkoho apagkok nak.

2 Crónicas 20:17

Háwe sa' kéxegke yaqwayam kólnapaxchek xa kempakhakma nak. Kóllánekxa sa' kéltáhakxa, nágkóltaqheykha aqsa, kólwetak sa' yaqwánxa etnehek elmallahanchesek ma'a Wesse' egegkok. ¡Énxet'ák kélheykha nak Jerusalén, tén han ekyókxoho nak Judá, nágkóle aqsa, nágkólyegwe han; kólya'am sa' saka m'a énxet'ák nak, hakte Wesse' egegkok kéxegke aphak kélnepyeseksa!’”

Éxodo 14:13

Aptáhak axta Moisés apchátegmowágkokxo énxet'ák se'e: —Nágkóle'. Kólxeg aqsa, kóllano m'a apmako nak elának sakhem Wesse' egegkok yaqwayam elwagkasek teyp, hakte megkólwetekxók sa' chá'a kéxegke egipcios s'e ektáhakxa nak kélwet'a sakhem.

Éxodo 18:15

Aptáhak axta apchátegmowágkokxo Moisés se'e: —Hákho eyke chá'a ko'o hey'ótak ma'a énxet'ák, yaqwayam elya'asagkohok chá'a aptáhakxa m'a Dios.

Números 9:7

aptáhak axta apcháneya Moisés se'e: —Nélpaknegwokmók xeyk negko'o kélhápak, cháxa keñamak sentamhágko nak élmanyása egyempe'ék. Mehéghók negko'o Wesse' egegkok ólmések aqsok nélmésso naqsa egagkok xa ekhem ekxénamaxchexa nak, xamók ma'a israelitas.

Números 9:9

Appaqhetchessek axta Wesse' egegkok ma'a Moisés. Aptáhak axta apcháneya s'e: “Etne sa' elának israelitas se'e:

Números 15:34

apkeláneykha axta aqsa nahan sekxók ma'a, hakte axta kólya'ásegkok makham yaqwánxa kólteméssesek.

Levítico 24:12

apmákpek axta han élhaxnéxko yaqwánxa etnehek apxeyenma Wesse' egegkok yaqwánxa kólteméssesek.