Números 9:14 - Biblia Enxet

¹⁴ “Peyk sa' agkok chá'a elanagkok ekhem melwagqayam Pascua eñama Wesse' egegkok ma'a énxet'ák apkeleñama nak mók apkelókxa apheykha nak kélnepyeseksa kéxegke, elanagkok sa' chá'a ekhawo ektémakxa nak ekpeywa ekyókxoho m'a segánamakxa sekmésso axta, kaxhok sa' nahan mók segánamakxa apagkok ma'a apyókxoho énxet'ák, cham'a énxet'ák apkeleñama nak mók apkelókxa, tén han appalleykenxa apagko' nak se'e apchókxa nak.”

Números 9:14 Referans Kwoze

Levítico 24:22

“Xama segánamakxa sa' katnehek apagkok ma'a apkeleñama nak mók nekha', tén han apheykegkaxa apagko' nak se'e apchókxa nak. Ko'o sekteme Dios Wesse' kélagkok.”

Deuteronomio 31:12

Apyókxoho énxet sa' yánchásekxa', cham'a apkelennay'a nak tén han ma'a kelwán'ák nak, tén han ma'a sakcha'álétkók tén han ma'a énxet'ák apkeleñama nak mók apkelókxa apheykha nak chá'a m'a tegma apkelyawe kélagkok, yaqwayam sa' yeyxhok chá'a élyetsátamáxche segánamakxa tén han kaltámeyagkok apkelyeheykekxoho m'a Dios Wesse' apagkok, tén han elanagkok ekyókxoho ektémakxa nak ekxeyenma ekpeywa xa segánamakxa nak.

Deuteronomio 29:11

yetlo kélketchek, kélnaqteyegka'a tén han ma'a énxet'ák apkeleñama nak mók apkelókxa apheykha nak kélnepyeseksa kéxegke, ekweykekxoho m'a apkelyaqténchesso nak chá'a yántapák tén han ma'a apkelyekweyáseyak nak chá'a yegmen,

Levítico 25:15

énxet apma nak xapop, eyánmagkasek chá'a m'a ekwánxa nak ekhem, eyeynamo m'a apyeyam sẽlchexeykekxexa nak, keñe sa' ma'a ektáha nak chá'a apyamasma, emok sa' chá'a ekyánmaga eyeyméxchexa enxoho makham apyeyam eknakxamáxche m'a aqsok ekyexna.

Levítico 22:25

Nágkólma han aptósso enxoho énxet'ák apkeleñama nak mók nekha xa ektéma nak kélnaqtósso, yaqwayam kólteméssesek nento apagkok nak ma'a Dios kélagkok nak kéxegke, hakte aqsok kélnaqtósso élmaso ekyókxa xa, megkalmaxcheyk sa' nahan takha'.”

Levítico 19:10

Nágkólchetámekxoho nahan ekyókxoho ekyexna anmen yámet kélcheneykekxexa, nágkólma han ma'a ekpalleyam nak náxop; kólho sa' aqsa chá'a elmok ma'a énxet meyke nak aqsok apagkok, tén han ma'a apkeleñama nak mók nekha. Ko'o sekteme Dios Wesse' kélagkok.

Éxodo 12:43

Aptáhak axta apkeláneya Wesse' egegkok Moisés tén han Aarón se'e: “Keso yaqwánxa katnehek segánamakxa agkok ekhem ektámáxchexa nak kéltósso ápetek ekhem Pascua s'e: Méko sa' xama énxet megkatnaha nak kélenyémeyo xamo' apwanchek etwok kéltósso ekmatñà ápetek,

Éxodo 12:47

Sa' etnahagkok apyókxoho israelitas xa.

Números 15:15

Xama sa' katnehek ma'a segánamakxa, kélagkok kéxegke tén han ma'a apkeleñama nak mók apkelókxa; katnehek sa' xama segánamakxa megkamassegwayam, kawakxohok sa' ma'a apyapmeyk, tén han ma'a apketchek nak.

Números 15:16

Xama segánamakxa tén han xama kélánémaxchexa kóltéhek sa' katnehek, kélagkok kéxegke tén han ma'a énxet'ák apkeleñama nak mók apkelókxa.”

Esdras 6:21

Apyókxoho axta han appasmak ektámáxche ekhem Pascua m'a israelitas, apkelweykekxa axta makham apkeleñama m'a megkatnahakxa apkelókxa', tén han apyókxoho apkexeykekxa axta apkeltémakxa meltaqmelchásamap ma'a pók aptémakxa énxet'ák melya'áseyak nak Dios, apyepetchákxeyk axta han apkelpeykásawo m'a Wesse' egegkok, Dios nak Israel.