Números 8:7 - Biblia Enxet

⁷ Sa' katnehek apkelmópessáseykekxa apyempe'ék se'e: Xeyep sa' elexpaqheykha m'a yegmen sẽlmópessáseykekxa nak egyempehek, keñe sa' natámen elyaqtennagkok ekyókxoho áwa' apyempe'ék ma'a, elyenyesagkok sa' nahan apkelnaqta, keñe sa' kalmópekxohok apyempehek.

Números 8:7 Referans Kwoze

Números 19:13

Appaknegwokmók agkok xama énxet kélhápak, keñe memópesákxo enxoho apyempehek, yenyetseksek sa' ma'a Wesse' egegkok kélpakxanma appagkanamap apagkok, kólmasséssók sa' nahan ma'a kañe' Israel. Ekmanyása apyempehek sa' katnehek, eñama megkólexpaqheykha m'a yegmen ekmopeyáseykekxa nak egyempehek.

Levítico 8:6

Yetlókok axta Moisés apkeltémo épetchegwomhok Aarón, yetlo apketchek, tén axta apkeltamho eyaqpasagkok yegmen.

Ezequiel 36:25

Ayaqpássesagkok sa' ma'a yegmen ektaqmalma agko' nak, almópessásekxak sa' ma'a ekyókxoho élmanyása kélyempe'ék, almópessásekxak sa' ma'a élyepetche nak ekmanyása m'a aqsok kéleykmássesso kélagkok;

Jeremías 4:14

Jerusalén, yáxñásekxa apwáxok aqsok ekmaso, keñe sa' ewagkasakpok teyp. ¡Elwatés ekxéneykha apwáxok aqsok ekmaso!

Isaías 52:15

sa' katnehek nahan kalpelakkasek elwetak ma'a apyókxoho pók aptémakxa nak chá'a énxet'ák; apkelwet'ak sa' agkok ma'a kelwesse'e apkelwányam nak, elwanmeyagkok sa' aqsa, hakte elwetak sa' ma'a aqsok megkóltennassama axta, elyekpelkohok sa' ma'a mellegaya axta kaxénaxche'.

Salmos 51:7

Heyenyókas ko'o may'assáxma tén sa' wáxñekxoho'; heyáxñassásekxa émpehek, tén sa' amópekxohok ahagko', ayeykhágwomhok sa' ma'a aptémakxa nak apmópeyo yeyam appok.

Salmos 51:2

¡Hemassésses ko'o sektémakxa ekmaso! ¡Heyenyókas may'assáxma!

Números 31:20

Kólmópeyásekxa sa' nahan ma'a apyókxoho kélántaxno, tén han ma'a ekyókxoho aqsok émpe'ék nak, tén han ma'a yát'ay apwa', essenhan m'a yántéseksek nak.

Levítico 16:28

Elyenyeksek sa' apkelnaqta m'a énxet ektáha enxoho apkelwatno m'a, eyaqpaksek sa' han yegmen, keñe sa' etaxnegwakxak makham ma'a apkelpakxeneykegkaxa nak énxet'ák.

Levítico 15:27

“Ekyókxoho ekpaknegweykmoho enxoho xa aqsok nak, kaxénaxchek sa' ektáha ekmanyása émpehek. Kalyenyeksek sa' élnaqta, kayaqpaksek sa' nahan yegmen, kaxénaxchek sa' nahan ektáha élmanyása émpe'ék ekwokmoho ekyáqtésa.

Levítico 15:6

“Ekyókxoho ektáhakxa enxoho ektahanwayam, aptahanakxa enxoho m'a énxet nak, elyenyeksek sa' chá'a apkelnaqta, eyaqpaksek sa' nahan chá'a yegmen, exénakpok sa' nahan aptáha ekmanyása apyempehek ekwokmoho ekyáqtésa.

Éxodo 19:10

Aptáhak axta apcháneya Wesse' egegkok se'e: —Exeg, elánekxés sa' aptamhágkaxa m'a énxet'ák sakhem tén han saka sa', yaqwayam enxoho hélpeykeshok ko'o. Tásek sa' elyenyesagkok apkelnaqta,

Génesis 35:2

Keñe axta Jacob aptáha apkeláneya ekheykha apxagkok, tén han ma'a apyókxoho ektáha axta apkelxegexma'a: —Kólchexa sa' ekyókxoho aqsok kéláyókxa éleñama nak mók nekha, ekhéyak nak kélnepyeseksa kéxegke, kólyaqpasák yegmen, kólyaqmagkasák sa' han pók kélnaqta.

Números 8:21

Apkelmópesákxeyk axta apyempe'ék ma'a levitas, apkelyenyeyásegkek axta nahan apkelnaqta, tén axta Aarón apnaqlawa nápaqtók Wesse' egegkok apteméssesa ektémól'a negmésso naqsa aqsok ektaqmela, apkelmópessáseykxeyk axta apyempe'ék.