Números 6:25 - Biblia Enxet

²⁵ Wesse' egegkok sa' kataqmalmakha apwáxok elanok xép exekmósek sa' ekwánxa apchásekhayo.

Números 6:25 Referans Kwoze

Salmos 80:19

Oh Wesse', Dios ekha nak apyennaqte, ¡hentemessásekxa makham negko'o m'a ektémakxa axta negheykha nano'! ¡Kataqmalmakha apwáxok henlano', keñe sa' ólwomok teyp!

Salmos 119:135

Kataqmalmakha apwáxok hélanok ko'o, sektáha nak apkeláneykha, hélxekmós segánamakxa apagkok.

Salmos 31:16

Hélano yetlo ektaqmeleykha apwáxok, ko'o sektáha nak xép apkeláneykha, hewagkas teyp eñama seyásekhayo.

Salmos 67:1

Hẽláhapmakha sa' negko'o Wesse' egegkok, hempasmok sa' nahan, kataqmalmakha sa' apwáxok henlano',

Daniel 9:17

Dios egagkok, yeyxho sélmaxnagko, tén han sekwóneykha, ko'o sektáha nak xép apkeláneykha; Wesse' egegkok, elano yetlo apchásekhayo ektémakxa nak ekmaso agko' ma'a tegma appagkanamap apagkok, eñama apchásekhayo apwesey.

Salmos 80:7

Dios, ekha nak apyennaqte, ¡hentemessásekxa makham negko'o m'a ektémakxa axta negheykha nano'! ¡Kataqmalmakha apwáxok henlano', keñe sa' ólwomok teyp!

Éxodo 33:19

Aptáhak axta apchátegmowágkokxo Wesse' egegkok se'e: —Ayeykhaksek sa' ko'o apmonye' exchep ma'a ekyókxoho ektémakxa nak sektaqmalma, altennaksek sa' nahan sekwesey. Wamlekxohok sa' ko'o sekmakókxa enxoho wamlekxoho', yepyóshok sa' nahan alanok ko'o m'a sekmakókxa enxoho yepyóshok alano'.

Malaquías 1:9

Hẽlmaxnésses hana negko'o kéxegke Dios, yaqwayam kapyóshok henlano'. Kéllanak agkok kéxegke xa ektéma nak aqsok kélmésso naqsa, nágkaxén kélwáxok kéxegke elmok takha' m'a Dios yetlo ekleklamo apwáxok. Aptáhak Wesse' egegkok ekha apyennaqte s'e:

Génesis 43:29

Apsawheyha axta exma nepyáwa m'a José, apwet'ak axta Benjamín, ektáha axta apyáxeg apagko', tén axta aptáha s'e: —¿Keyaxa kélyáxeg apsexyo kélxeyenma axta chá'a? ¡Dios sa' epasmok xép eyáxeg! Xama axta aptáha xa,

Salmos 86:16

¡Yepyósho hélano'! ¡Hewagkas ko'o teyp sektáha nak xép apkeláneykha! ¡Hegkés sekyennaqte!

Salmos 21:6

Megkamassegwomek sa' apteméssesso apkeleñémo; kapayhekxohok agko' sa' chá'a apwáxok ma'a apha enxoho xamo' xép.

Salmos 4:7

Egkéssegkek xép ekyawe agko' ekpayheykekxa ewáxok, máxa m'a énxet apxámokma nak hótáhap apagkok, tén han ma'a ekxámokma nak anmen yámet égmenek apagkok.