Números 5:23 - Biblia Enxet

²³ “Keñe sa' appasmo apkelmaxnéssesso Dios énxet'ák apagkok etaxaksek weykcha'áhak negyemnamaxche nak, tén sa' yexpaqhekxak ma'a yegmen ekmáske nak emasseksek.

Números 5:23 Referans Kwoze

Isaías 44:22

Máxa yaphope ekmassegwayam la'a aqsa ekteméssessók ko'o sekmassesseykmo m'a aqsok megyaqhémo nak tén han ma'a mey'assáxma. Hey'óta ko'o makham, hakte ko'o axta sekwagkasso teyp xép.”

Isaías 43:25

“Ekmasséssek eyke aqsa ko'o m'a aqsok ekmaso nak apkelane eñama sekteme Dios apagkok, megkaxénwakxók sa' chá'a ewáxok ma'a mey'assáxma nak.

Salmos 51:9

Ná elano may'assáxma, hemassésses ekyókxoho sektémakxa ekmaso.

Salmos 51:1

Oh Dios, yepyósho ko'o hélano', eñama m'a aptémakxa nak chá'a segásekhayo, hemassésses ko'o may'assáxma, eñama m'a aptémakxa nak chá'a apmopyósa henlano'.

Job 31:35

¡Yeyxho annal'a sekpeywa xama énxet! ¡Sekwesey chá'a ko'o apekkenek sektáhakxa enxoho chá'a sekpeywa; heyátegmowagkok sa' kaxwók ma'a ekha nak Apyennaqte! Tásek kanaqtáxésaxchek ma'a aqsok sélpehésseyam nak chá'a ko'o sélane,

2 Crónicas 34:24

sektáha sekpeywa, ko'o sektáha nak Wesse': Wahak sa' ko'o aqsok ekmaso s'e yókxexma nak, tén han nepyeseksa s'e énxet'ák apheykha nak, ekhawo nak ekyókxoho ektémakxa nak ekmaso negha eknaqtáxésamaxche nak se'e weykcha'áhak, kélyetsetchesa exchek nápaqtók ma'a wesse' apwányam nak Judá.

Deuteronomio 31:19

“Kóltaxés sa' kaxwók se'e negmeneykmasso nak, kólxekmós sa' ma'a israelitas, yaqwayam sa' elmeneykmaksek chá'a tén han katnehek chá'a ko'o séltennasso aptamheykegkaxa nepyeseksa xa énxet'ák nak.

Éxodo 17:14

Tén axta Wesse' egegkok aptáha apcháneya Moisés se'e: —Etaxés sa' xép xama weykcha'áhak se'e, yaqwayam enxoho kaxénwakxohok chá'a kélwáxok. Eltennés sa' nahan Josué sekmako ko'o amasseksek apyókxoho m'a amalecitas.

Números 5:22

Káhapwak sa' xe' s'e kéllegassáseykegkoho nak, ekyena enxoho s'e yegmen, eksáyam nak negyemnamaxche'’, keñe sa' kelán'a katnehek kátegmowagkok se'e: ‘Sa' katnehek xa.

Números 5:24

Keñe sa' yának keynek kelán'a xa yegmen nak, yaqwayam sa' kásseksek awáxok,