Números 35:2 - Biblia Enxet

² “Yána sa' elmésagkok israelitas tegma apkelyawe levitas yaqwayam exnakha chá'a, cham'a xapop peya nak elxawagkok, tén han elmésagkok ma'a yókxexma ekhakxa nak pa'at nepyáwa nak tegma apkelyawe.

Números 35:2 Referans Kwoze

Ezequiel 48:8

“Kaxek sa' nahan mók xapop yaqwayam kóltaqmelchesek, sa' kawakxohok nahan eyeynamo m'a teyapmakxa ekhem nak ekweykekxoho m'a taxnegwánxa ekhem nak. Doce kilómetros náxet mók sa' katnehek ma'a ekpayhakxa, keñe sa' ma'a ekwegqakxa nak, kaxhok ekwenaqte m'a ekwánxa nak élwenaqte m'a nekha xapop eyeynamo nak ma'a teyapmakxa ekhem ekweykekxoho m'a taxnegwánxa ekhem nak. Sa' étek tegma appagkanamap xa neyseksa nak.

Números 35:1

Appaqhetchessek axta Wesse' egegkok Moisés ma'a ekpayhegweykenxa nak xapop ma'a Moab, nekha nak wátsam Jordán, ekpayho nak Jericó. Aptáhak axta apcháneya s'e:

Números 35:3

Exnakha sa' levitas xa tegma apkelyawe nak, kalyagqak sa' apnaqtósso m'a yókxexma, tén han ma'a mók aqsok apnaqtósso nak.

Deuteronomio 18:6

“Yetneyk sa' agkok xama levita ekpekheykegkoho agko' apwáxok emyógmak ma'a yókxexma apkelyéseykegkaxa nak Wesse' egegkok ekyetnamakxa m'a apwesey, cham'a apheykha nak chá'a mók xam'a kélheykegkaxa kéxegke, ekyókxoho nak ma'a kañe' Israel,

2 Crónicas 11:14

hakte apyamasmeyk axta xapop apagkok ma'a levitas ektaqmelakxa axta pa'at, tén han ma'a mók xapop apagkok, apmáheyo elmahagkok ma'a Jerusalén tén han ma'a mók yókxexma nak Judá, hakte apkelwátessáseykegkek axta Jeroboam, tén han ma'a yaqwayam nak eyaqmagkasek apteme wesse' apkelwányam, apkeltamheykha aptamhéyak apkelmaxnéssesso Wesse' egegkok énxet'ák apagkok.

2 Crónicas 31:19

Kélyéseykha axta apkelennay'a apyókxoho tegma apkelyawe yaqwayam yexpánchesek chá'a aqsok, nepyeseksa apyókxoho apkelennay'a m'a Aarón aptawán'ák neptámen, apteme axta apkelmaxnéssesso Dios énxet'ák apagkok, tén han nepyeseksa m'a apyókxoho levitas eknaqtáxésamaxche axta apkelwesey weykcha'áhak, apheykencha'a axta m'a xapop ektaqmalmakxa nak pa'at, tegma apkelyawe apagkok axta m'a apkelmaxnéssesso Dios énxet'ák apagkok.

1 Crónicas 13:2

keñe axta aptáha apkeláneya m'a apyókxoho énxet'ák nak Israel: “Leyawók sa' agkok kélwáxok kéxegke, tén han apkeltamho enxoho Wesse' egegkok Dios, agáphássesek amya'a óláneyha hempásegwaták ma'a egnámakkok apheykencha'a nak makham ma'a ekyókxoho yókxexma nak Israel, keñe han ma'a apyókxoho apkelmaxnéssesso Dios énxet'ák apagkok tén han ma'a levitas, apheykencha'a nak makham ma'a apkelyawakxa nak tegma, keñe han ma'a yókxexma nak,

Nehemías 13:10

Ekwet'ak axta han megkólmeyáseykegko aptéyak ma'a levitas, tén han apkeltaqhémo chá'a xama apkeleñamakxa m'a levitas, tén han apkelmeneykmasso nak, apkelánémap axta chá'a exegkesek apkelpeykessamo Wesse' egegkok.