Números 29:22 - Biblia Enxet

²² Kólmések sa' nahan xama yát'ay apkennawo', yaqwayam emátog, etnehek apwetasso megkólyaqmagkáseykekxa megkólya'assáxma, tén han ma'a élwatnamáxche nak chá'a yókxoho ekhem, yetlo m'a ekyepetche nak chá'a aqsok kélmésso naqsa aqsok aktek ekyexna kélcheneykekxa, tén han vino.

Números 29:22 Referans Kwoze

Joel 2:14

Lapmaxcheyk mellegássesagkók kéxegke, yáphássesek ektaqmalma kélheykha, elmések ma'a aqsok ekyexna kélcheneykekxa, tén han vino, yaqwayam kóltéhek kélmésso naqsa Dios Wesse' kélagkok.

Joel 1:13

Kéxegke kélmaxnéssesso nak chá'a Dios énxet'ák apagkok, kéltamheykha nak chá'a ekwatnamáxchexa aqsok, kólántaxnekxa apáwa sẽlwáxaqxo nak, kóllekxagwaha yetlo éllapwámeyak, hakte méko entáhak aqsok kélcheneykekxa ekyexna m'a Dios nak tegma appagkanamap apagkok, tén han vino yaqwayam kóltéhek kélmésso naqsa Dios.

Joel 1:9

aptamhágkok apkellekxagweyncha'a m'a apkelmaxnéssesso Dios énxet'ák apagkok, hakte méko entáhak aqsok ekyexna kélcheneykekxa m'a tegma appagkanamap nak, tén han anmen yámet égmenek, yaqwayam kólmések chá'a Wesse' egegkok.

Salmos 16:4

cham'a apxámáseyak nak chá'a aqsok apcháyókxa, apkelyetleykekxa nak chá'a yetlo melyenseyam. ¡Mapasmekxeyk ko'o m'a apkelánéyak nak aqsok apkelnapma! ¡Maxének xama enxoho élwesey m'a aqsok apkeláyókxa!

Números 29:21

Kalanaxchek sa' nahan aqsok kélmésso naqsa aqsok aktek ekyexna kélcheneykekxa tén han vino ekwánxa enxoho chá'a ekxámokma m'a weyke étkók kelennay'a, nepkések apkelennay'a tén han ma'a nepkések apketkók, apkeltamhókxa nak chá'a kóltéhek ma'a Dios.

Números 29:23

“Diez weyke étkók kelennay'a sa' kólmések ma'a ektáhakxa nak cuatro ekhem, tén han apqánet nepkések apkelennay'a, tén han catorce nepkések apketkók xama apyeyam apagkok, meyke nak ektemegweykmohóxma apyempehek.