Números 28:25 - Biblia Enxet

²⁵ Kalanaxchek sa' nahan kélaqneykekxa kélpeykessamókxa nak chá'a Wesse' egegkok ma'a ekwokmo enxoho siete ekhem. Megkóllanyek sa' kéltamheykha xama enxoho xa ekhem nak.

Números 28:25 Referans Kwoze

Levítico 23:8

Kólwatnések sa' chá'a kéxegke aqsok kélmésso naqsa Wesse' egegkok ekweykmoho siete ekhem, keñe sa' xa siete ekhem nak, kólpeykeshok chá'a Wesse' egegkok. Nágkóllána aqsa kéltamheykha xama enxoho.”

Números 28:18

Kalanaxchek sa' kélaqneykekxa kélpeykessamókxa Wesse' egegkok xa eyeynókxa nak ekxega ekhem siete. Megkóllanyek sa' kéxegke kéltamheykha xama enxoho xa ekhem nak.

Éxodo 13:6

Kóltawagkok sa' kelpasmaga meyke kempáseyak ekweykmoho siete ekhem, tén sa' ma'a ekwokmo enxoho ekhem siete kóllának kélessawássessamo megkólwagqayam ma'a Wesse' egegkok.

Éxodo 12:16

Kéméxcheyk chá'a kóllának kélaqneykekxa ektaqmalma m'a émha amonye' ekhem nak, ekhawo nahan ma'a ekhem siete. Cháxa ekhem nak méko sa' xama enxoho nentamheykha, megkatnaha enxoho chá'a yaqwayam elának apto m'a xama énxet.

Números 29:35

“Keñe sa' ektáhakxa nak ocho ekhem kólaqnekxak sa' yaqwayam kólpeykeshok Wesse' egegkok, megkóllányek sa' nahan kéltamheykha xama enxoho xa ekhem nak.

Números 29:12

“Kóllának sa' kéxegke kélaqneykekxa kélpeykessamókxa nak chá'a Wesse' egegkok ekhem quince pelten siete. Megkóllányek sa' nahan kéltamheykha xama enxoho xa ekhem nak. Siete ekhem sa' kammohok kéllane kélessawássessamo kéllánesso m'a Wesse' egegkok.

Números 29:1

“Kóllának sa' kéxegke kélaqneykekxa kélpeykessamókxa nak Wesse' egegkok eyeynókxa nak ekxega émha amonye' ekhem pelten siete. Megkóllanyek sa' kéltamheykha xama enxoho xa ekhem nak, kólpáwaksek sa' kélaqkahasso.

Números 28:26

“Kóllának sa' nahan kélaqneykekxa kélpeykessamókxa nak chá'a Wesse' egegkok ma'a ekhem kélessawássessamókxa nak chá'a émha amonye' ekyexna aqsok kélcheneykekxa, kélmésa enxoho chá'a Wesse' egegkok ma'a aqsok kélcheneykekxa kaxwe kélnakxo nak, cham'a, kélessawássessamókxa nak chá'a Semána. Megkóllanyek sa' kéltamheykha xama enxoho xa ekhem nak.

Levítico 23:25

Kólwatnések sa' aqsok kélmésso naqsa m'a Wesse' egegkok, megkóllanyek sa' han kéltamheykha ekyentaxno xama enxoho.”

Levítico 23:21

“Kéméxcheyk kólaqnekxak kólpeykeshok Wesse' egegkok xa ekhem nak, tén han megkóllanyek xama enxoho ekyentaxno kéltamheykha. Cháxa ektáha nak xama segánamakxa megkamassegwayam xa, kawakxohok sa' ma'a apyapmeyk, tén han kélketchek nak, cham'a kélhámxa enxoho chá'a kéxegke.

Levítico 23:3

“Kóltemeykha sa' chá'a ekweykmoho seis ekhem, keñe sa' siete ekhem, megkóllañehek chá'a xama enxoho kéltamheykha; katnehek sa' néllókassamakxa nélyampe, kólpeykeshok sa' nahan Wesse' egegkok. Katnehek sa' ekhem kéllókassamakxa kélyampe megkólwagqayam Wesse' egegkok, kélhámxa enxoho chá'a.

Levítico 23:7

Kalanaxchek sa' kélpeykessamo Wesse' egegkok émha amonye' ekxega ekhem. Nágkóllána aqsa xama enxoho ekyentaxno kéltamheykha.

Deuteronomio 16:8

Kóltawagkok sa' kelpasmaga meyke kempáseyak ekweykmoho seis ekhem, keñe sa' ekhem siete kóllának xama kélaqneykekxa ektaqmalma eñama m'a Dios Wesse' kélagkok; megkóllanyek sa' chá'a kéxegke xama enxoho kéltamheykha xa ekhem nak.