Números 27:11 - Biblia Enxet

¹¹ Méko sa' agkok nahan apyáxeg essenhan apepma m'a yáp nak, exkekxak sa' xapop apagkok ma'a apnámakkok apancha'awo' nak. Cháxa yaqwánxa sa' chá'a etnahagkok israelitas xa, séltamhókxa nak ko'o etnehek xép se'e kaxwo nak.”

Números 27:11 Referans Kwoze

Números 35:29

“Cháxa aqsok nak, katnehek sa' xama segánamakxa kélagkok kéxegke xa, yaqwayam sa' kóllának chá'a m'a kélhámxa enxoho chá'a, ekweykekxoho m'a kélketchek nak.

Jeremías 32:8

Apwa'ak axta ko'o sekhakxa kañe' kélhaxtegkesso nak wesse' apwányam apxagkok ma'a éphénem Hanamel, ekhawo m'a aptáhakxa axta seyáneya Wesse' egegkok, apkeltamhók axta amekxak yókxexma apagkok ekyetnama nak ma'a Anatot, xapop apagkok nak ma'a Benjamín énxet'ák apagkok, hakte payhawók ko'o amekxak ma'a, tén han atnekxak ahagkok ma'a, eñama sekteme énámakkok ahagko'. Ekya'ásegwokmek axta ko'o apkeltémo katnehek Wesse' egegkok xa ektáha nak,

1 Samuel 30:25

(Cháxa apkeltémakxa axta chá'a apyókxoho israelitas eyeynmo xa ekhem nak, ekwokmoho makham se'e kaxwo' nak.)

Levítico 25:49

essenhan apyaha', essenhan apyaha' apketche nak, essenhan ma'a pók ektáha nak chá'a apnámakkok apagko'; apwanchek eyke han emakpekxohok apagko' ekyetna enxoho yaqwayam elána',

Levítico 25:25

“Yetneyk sa' agkok apchókxa xamo' ektamhéyak meyke aqsok apagkok, keñe apmésa enxoho ekha ekyánmaga xapop apagkok, ey'áwak sa' xama m'a ektáha nak pók apagko', keñe sa' emekxak ma'a xapop apyamasma nak ma'a pók nak.

Números 27:10

méko sa' agkok nahan apyáxeg essenhan apepma, elxewekxak sa' xapop apagkok ma'a apyáp apkelyáxeg nak essenhan apkelpepma.