Números 24:6 - Biblia Enxet

⁶ Máxa m'a áxa éléweykekxal'a, ektémól'a kélcheneykekxexa pánaqte exnók neyáwa wátsam, máxa m'a ektémól'a kentem apkeneykekxal'a Wesse' egegkok, ¡ektémól'a yámet cedro élámha nak neyáwa yegmen!

Números 24:6 Referans Kwoze

Salmos 1:3

Cháxa énxet nak, aphawók ma'a yámet kélcheneykekxal'a neyáwa wátsam, ekyexnamól'a kammok ekhem agkok ekyexnamakxa, cham'a megkalyamayél'a chá'a áwa'. ¡Tásek chá'a katnehek ekteyapma m'a ekyókxoho aqsok apkelanakxa enxoho!

Isaías 58:11

Anaqlawha sa' chá'a ko'o yókxoho ekhem, almések sa' ekxámokma kéltéyak ma'a yókxexma meykexa nak énxet, almések sa' élyennaqte kélyempe'ék, máxa sa' kóltéhek ma'a namyep étkok ektaqmalmal'a kélexpaqhe yegmen, ektémól'a m'a ekteyapmakxal'a yegmen megkeymayél'a.

Salmos 104:16

Kaxek chá'a yegmen élámhakxa m'a yenta'a élyawe, cham'a yámet cedros élámha nak Líbano, apkeneykekxa nak Wesse' egegkok,

Joel 3:18

Máxa yegmen ényé sa' katnehek kalpexyewenták vino m'a egkexe nak, tén han weyke nagkeygmenek, awanhek sa' katnehek yegmen ma'a alwáta étkók nak Judá. Katyapok sa' yegmen ma'a tegma appagkanamap ahagkok, kayássesek sa' ma'a yókxexma Sitim.

Ezequiel 47:12

Kalaqnagkok sa' nahan mók ektémakxa nak chá'a yenta'a ekha ekyexna m'a neyáwa wátsam nak, cham'a neyp nak tén han ma'a halep nak. Megkapallemek sa' nahan chá'a áwa' xama enxoho, megkeytyapwágwomek sa' nahan chá'a ekha m'a ekyexna. Yókxoho pelten sa' chá'a katnehek ekyexno, hakte kalyássesagkok sa' ma'a yegmen ekteyapma nak tegma appagkanamap. Nento sa' katnehek ma'a ekyexna nak, keñe sa' pánaqte m'a áwa' nak.

Jeremías 31:12

“Elchexyók sa', elmeneykmásseták sa' kalpaykhekxak apkelwáxok ma'a egkexe nak Sión, kalpeykessásekxak sa' apkelwáxok ma'a aqsok éltaqmalma apkelmésso nak Wesse' egegkok: cham'a hótáhap apaktek, vino tén han pexmok égmenek, nepkések tén han weyke. Elxohok sa' ma'a aqsok kélcheneykekxa' ektaqmalmal'a kélexpaqhéyak yegmen, kamaskok sa' elyelqakpok.

Jeremías 17:18

Yána' elmegqeyk ma'a sénmexeykha nak chá'a ko'o, ko'o eyke ná hetnésses; yána elyegweyk ma'a, ko'o eyke ná hégwakkas. Yána káhapwak ekmaso apheykha m'a, emasséssem ekmanyehe agko'.

Isaías 41:19

Aknekxak sa' ko'o yámet cedros ma'a yókxexma meykexa nak énxet, tén han yámet acacia, tén han ma'a yámet élmope nak exnamok arrayán tén han ma'a olivo yámet; atekkesek sa' yámet pino m'a ekyamáyekxa nak xapop yetlo m'a yámet élwenaqte abeto tén han ma'a yámet ciprés,

Cantares 6:11

Ekmeyákxeyk axta ko'o m'a apkemhakxa nak yányetsene apto sekmako alanok ma'a yenta'a kaxwe nak ekyápaqmáteykegkokxa áwa' aqsok ma'a yókxexma ekyapwátegweykenxa nak xapop; tén han sekmako alanok kaxwe éltektépeykekxa m'a anmen yámet tén han yántakyexna exnamok.

Salmos 45:8

Apkelpaqneykmók apkelnaqta m'a aqsok ánek ekmátsa nak ekpaqneyam, tén han áloe, tén han canela; kélpeykessáseykekxeyk apwáxok kélpáwássessama yát'axpog ma'a apxagkok apkelyawe nak, kélnáxegkáseykha nak yánnapóxeg apma'ák.

Génesis 13:10

Apkenmexawók axta Lot ekyókxoho ekyapwate nak wátsam Jordán, apwet'ak axta han ekyawa yegmen ekweykekxoho m'a yókxexma étkok nak Sóar, máxa axta m'a yókxexma ektaqmalmal'a. Hawók axta m'a ektémakxa axta Egipto. (Cháxa ektémakxa axta xa, amonye' axta apmassésseyam Wesse' egegkok ma'a tegma apkelyawe Sodoma tén han Gomorra.)

Números 24:5

¡Jacob, apkeltásek apagko' xép apkelpakxanma! ¡Israel, tásók agko' nak la'a kélpakxeneykegkaxa!