Números 24:17 - Biblia Enxet

¹⁷ Ekwet'ak ko'o yaqwánxa katnehek egmonye', ekwet'ak ko'o makhawók agko' aqsok: yaw'a m'a aptepa nak aphakxa Jacob xama wesse' apwányam ma'a aptepa nak Israel. Eyaqhakkasek sa' apqátek ma'a Moab, eltepelchássesek sa' apqatkok ma'a apyókxoho nak Set aptawán'ák neptámen.

Números 24:17 Referans Kwoze

Génesis 49:10

Méko keymentók ektémakxa apyennaqte Judá, méko han kawának keymentók aptémakxa nak ekha kélyaheykekxoho, ekwokmoho apwa'akto makham ma'a ektáha nak apagkok ma'a aptémakxa nak wesse', cham'a peya nak elyahakxohok ma'a énxet'ák.

Zacarías 10:4

Sa' eleñék elántépok énxet aphémo nak Meteymog Élyennaqte Kélchenegkessamól'a chá'a Máséyak ma'a, tén han ma'a aphémo nak Yámet Élmahamtakcha'a Kélatchessamól'a Xapop kólnaqtétek kélpakxanma tén han ma'a apho nak Yágke Kélanchessól'a Kempakhakma. Sa' eleñék elántépok nepyeseksa apyókxoho m'a kempakhakma yapmeyk.

Salmos 45:6

Oh Dios, megkamassegwomek xép ma'a aptémakxa wesse' apwányam, kapéwhok chá'a apkelánéseykekxa apheykha énxet'ák.

1 Crónicas 18:2

Apmenxenmeyk axta han ma'a moabitas, apkelmomchek axta han David xa énxet'ák nak, keñe apyánmagkassama chá'a m'a apkelmaxneyakxa enxoho chá'a.

2 Samuel 8:2

Apmenxenchek axta han ma'a moabitas, apnegkenchek axta náxop, tén axta apkelyetsátegko chá'a táma: apqántánxo sẽlpextétamo axta chá'a, keñe apkelnapa chá'a apqánet, keñe axta xama apcha'awo aqsa chá'a apweynchámeyncha'a. Apkelásenneykha axta aptáhak David ma'a moabitas, keñe apyánmagkassama chá'a m'a apkelmaxneyakxa enxoho chá'a.

Zacarías 12:10

Ayánchesseshok sa' ko'o sekmésso apmopyóseka elanok apnámakkok tén han apkelmaxneyéyak ma'a David aptawán'ák neptámen nak tén han ma'a énxet'ák apheykha nak Jerusalén. Keñe sa' elanok chá'a m'a ektáha nak chá'a apkelyetxaqxo, tén sa' kallapwomagkok, ellekxagwaha sa' elano'. Máxa sa' etnéssesek ma'a aptémól'a yetsapok kélketche aptemél'a wánxa xama apagko' essenhan ma'a kélketche átnaha apketkok la'a.

Jeremías 48:45

“Nápakha chá'a apkelxeganakmok meyke apkelyennaqte aptegyágko apkelyexánegweykekxexa m'a Hesbón, apmetchek eyke m'a Hesbón, wesse' apwányam Sihón nak tegma apwányam apagkok, payhekxeyk ma'a táxa, kelwatneyk ma'a egkexe nak Moab, cham'a apheykegkaxa nak énxet'ák ekmátsa nak chá'a elnapakpok.

Isaías 9:7

Exek sa' ma'a néten nak David aptaháno ekyawe ektaqmalma; kasawhekxohok sa' apteme Wesse' apwányam ekyókxoho yókxexma, megkamassegwomek sa' ma'a meyke ektáhakxa nak negha; tásek sa' katnehek ekyetno m'a aptémakxa nak Wesse' apwányam, sa' katnehek ekyennaqtésso m'a aptaqmelchessáseykekxa nak chá'a apheykha énxet'ák tén han ma'a ekpayhawo nak chá'a elána', keso kaxwo' nak tén han megkatnégwayam néxa. Elának sa' Dios ekha nak apyennaqte xa, eñama ekyawe agko' segásekhayo.

Isaías 15:1

Moab ekxénamaxche yaqwánxa kólteméssesek. Kéltawáseyha axta Moab cham'a axta'a kélmasséssekmo axta m'a Ar; kéltawáseyha axta Moab cham'a axta'a kélmasséssekmo axta tegma apwányam Quir.

Salmos 110:2

Esawheyásekxohok sa' xép apteme wesse' apwányam ma'a Wesse' egegkok, eyeynamo m'a Sión. ¡Etne kaxwók apkeláneykha m'a apkelenmexma nak!

2 Reyes 3:5

Xama axta apketsapma m'a Ahab, keñe wesse' apwányam Moab apkenmexeykekxo m'a wesse' apwányam nak Israel.

1 Samuel 14:38

Keñe axta Saúl aptáha s'e: —Kólmeyenta hana s'e kélyókxoho kélámha kélmonye'e nak sẽlpextétamo, kóltegyaha sa' amya'a yaqsa élana sakhem megkay'assáxma.

Números 21:29

¡Kéxegkel'aye kélheykha nak Moab! ¡Kélmassegwokmek kéxegke dios Quemós énxet'ák apagkok! Apcha'awók elántépok elxeganmok énxet'ák kélagkok ma'a. Keñe kelán'ák kélagkok apkelmésa yaqwayam elmok ma'a wesse' apwányam Sihón.

Números 24:16

yetnáha agkok ahaqtek kayágwomhok sekwete yáxña'akxoho aqsok, sekya'áseykegkoho nak ma'a apya'áseykegkoho nak Meyke nak Ekhémo, añak chá'a amya'a, hélxekmóshok nahan chá'a aqsok eñama nak Dios ekha apyennaqte.

2 Samuel 8:14

Tén axta apkelhésseykmo sẽlpextétamo apagkok ma'a ekyókxoho Edom yaqwayam elanha, apkeláneykha axta han aptemék David ma'a edomitas, cham'a apméssama axta chá'a apmallane Wesse' egegkok ma'a apmahágkaxa enxoho chá'a.

Jeremías 48:1

Wesse' ekha apyennaqte appeywa, Dios apagkok nak Israel, apxeyenma m'a Moab: “¡Kélyósekak eyke ekhel'a kélheykha nak Nebo kélmasséssekmek kélókxa! ¡Apmákpek Quiriataim, mékoho kéltemessáseykxa'! ¡Kélyaqnegkessessek náxop ma'a tegma apyennaqte kélagkok!