Números 23:27 - Biblia Enxet

²⁷ Tén axta Balac aptáha apcháneya s'e: —Émpoho, eyntamok sa' ko'o exchep mók nekha. Kalkohok sa' kexa apwáxok Dios yának kaltemégwomhok exma ekmaso énxet'ák Israel ma'a.

Números 23:27 Referans Kwoze

Isaías 14:27

Apxénchek katnehek Wesse' ekha nak apyennaqte xa, méko nahan kawának kanókasha. Peyk ellegássesagkoho', méko nahan kayaqmagkassessók mók ma'a yaqwánxa etnehek.

Proverbios 21:30

Mékoho katnekxak nápaqto' Wesse' egegkok ma'a negya'áseykegkoho, tén han negmowána aqsok, keñe han ektaqmalma nak élchetámeykha egwáxok.

Proverbios 19:21

Xámok chá'a katnehek ekxénakxa apwáxok elának aqsok ma'a énxet, wánxa eyke aqsa chá'a katyapok ma'a apkeltamho enxoho Dios.

Job 23:13

Peyk agkok elának xama aqsok ma'a, elának nahan; méko awanchek kayaqmagkassesek ma'a yaqwánxa etnehek.

Números 23:13

Aptáhak axta makham Balac apcháneya s'e: —Hétlógma sa', ólmahagkok mók nekha, yaqwánxa sa' étak wánxa nápakha m'a apkelpakxeneykegkaxa nak énxet'ák, háwe m'a apyókxoho nak. Ey'aksek sa' aqsa appeywa makhawo yának kaltemégwomhok exma ekmaso.

Malaquías 3:6

“Ko'o sekteme Wesse' kélagkok. Mayaqmagkasseykmok mók sektémakxa. Cháxa keñamak megkólmassesseykmo nak kéxegke, kélteme nak Jacob aptawán'ák neptámen.

Números 23:26

Aptáhak axta Balaam apchátegmowágko s'e: —Éltennássek axta ko'o exchep, wánxa seyewagko alának ma'a apkeltémo nak alának Wesse' egegkok.

Números 23:28

Keñe axta Balac apyentama Balaam ma'a étseksek egkexe nak Peor, negweteyókxa nak ekyókxoho m'a yókxexma meykexa nak énxet.

Números 22:6

Epekhaksoho sa' exegma', yána sa' kaltemegwomhóxma nahaqtók ko'o xa énxet'ák nak, hakte maghawok negko'o xa, apmelyéha'awók apagko'. Sa' kexa ewanchek ko'o amenxenek ektáha enxoho xa ektáha nak, tén han alántekkesek seyókxa. Ekya'ásegkók ko'o exchep megkatnehek chá'a megkatne éleñémo m'a apkelmaxnéssesso nak chá'a aqsok éltaqmela, tén han ma'a apkeltémo nak chá'a katnégwomhok exma ekmaso.”