Números 22:36 - Biblia Enxet

³⁶ Xama axta apleg'a Balac apxegakmo m'a Balaam, apkelanyexágkek axta apma takha' m'a xama tegma apwányam nak Moab, apyetnama nak neyáwa wátsam Arnón, néxa xapop apagkok axta m'a apchókxa.

Números 22:36 Referans Kwoze

Jeremías 48:20

Mékoho kéltemessásekxak ma'a Moab, asagkók agko' axta ektáhakxa. ¡Kóllekxagwaha kóllanok ma'a! ¡Kóllegés kélmasséssekmo Moab ma'a neyáwa nak wátsam Arnón!”

Isaías 16:2

Máxa náta élyegwakto, éxakhál'a aqsa axanák aptamheykegkok apkelyeykheykekxoho wátsam Arnón ma'a énxet'ák apheykha nak Moab.

Jueces 11:18

Nélxegamchek axta m'a yókxexma meykexa nak énxet, neghaxnenchámeykekxeyk axta m'a xapop nak Edom, tén han Moab, ekwokmoho nélweykmo m'a ekteyapmakxa ekhem nak ma'a teyp Moab. Nélpakxenweykmek axta m'a neyp nak wátsam Arnón. Axta eyke ólyekheykekxa', hakte axta eyeynókxa xapop Moab ma'a.

Deuteronomio 3:8

“Cháxa negmomakxa axta negko'o xapop apagkok ma'a apqánet kelwesse'e apagkok axta m'a amorreos, apheykencha'a axta m'a ekteyapmakxa ekhem nak neyp wátsam Jordán, eyeynamo m'a wátsam Arnón ekweykekxoho m'a egkexe Hermón nak.

Deuteronomio 2:24

‘¡Kólchempekxa néten —axta aptemék Wesse' egegkok—, kólxegekxa makham, kólyeykhekxa sa' ma'a wátsam Arnón! Agkések sa' ko'o kéxegke yaqwayam kólmok ma'a Sihón, apteme nak amorreos, wesse' apwányam nak ma'a Hesbón, ekweykekxoho m'a apchókxa nak. ¡Kólántex sa' ma'a xapop apagkok nak, kólempakha sa'!

Éxodo 18:7

Aptekkek axta Moisés apma takha' m'a apepyáta'. Apháxahánteyk axta nahan apmonye' tén axta appeykesa; keñe axta natámen apkelpeykesamap, apkelántaxna m'a kañe' kélpakxanma nak.

Génesis 46:29

apkeltamhók axta kólnaqtehetchásekxak yátnáxeg apyenyawasso José, yaqwayam exog emok takha' m'a apyáp. Xama axta apwokmo m'a aphakxa apyáp, appathetchek axta, apwóneyk axta ekwenaqte agko' neyseksa appathetma.

Génesis 18:2

Apkelyaháha axta Abraham, apwet'ak axta apchaqnáncha'a apqántánxo énxet ma'a ekpayhókxa aphakxa'. Xama axta apwet'a, yetlókok axta apchampeykekxa néten apkelma takha', apháxahánteyk axta ekwokmoho aptekxeya ekpayhakxa nápat xapop,

Génesis 14:17

Xama axta apkexyekmo makham Abram, natámen axta apyaqmasso m'a Quedorlaómer, yetlo apkelwesse'e apkelwányam ektáha axta appasmo, aptekkek axta wesse' apwányam Sodoma apkelanyexágko m'a ekyapwate nak Savé, éltamhomaxchexa nak Wesse' Apwányam Xóp Ekyapwate Apagkok.

1 Samuel 13:10

Chaqhawók axta han appenchesakxa apwatno aqsok kéltósso Saúl, apwákxo Samuel. Apkelanyexágkek axta Saúl peya emok takha', tén han epeykesek,

Números 22:35

Aptáhak axta Wesse' egegkok apchásenneykha apchátegmowágkokxo s'e: —Apwanchek exog elyetlakxak xa énxet'ák nak, sa' eyke aqsa chá'a wánxa exének ma'a sektáhakxa enxoho chá'a seyáneya ko'o exchep. Apkelyetlákxeyk axta Balaam ma'a apkelámha amonye'e, Balac axta apkeláphasso.

Números 22:37

Aptáhak axta apcháneya s'e: —Éltamhók axta ko'o exchep hélyentawakxések ekpekhe agko'; ¿yaqsa axta ektáha memako exegma'? ¿Apkeneykek enxeykel'a exchep malmések ekxámokma agko' ma'a aqsok séltennasa axta almések?