Números 22:32 - Biblia Enxet

³² Aptáhak axta apcháneya Wesse' egegkok apchásenneykha s'e: —¿Yaqsa ektáha aptáha nak ántánxo aptekpageykha yámelyeheykok apchánte? Ko'o exchek seyáhakkassáseykekxa apmonye' exchep, hakte megkalchak ko'o ewáxok apxega.

Números 22:32 Referans Kwoze

Proverbios 28:18

Ewagkasakpok sa' teyp ma'a énxet meyke aptémakxa', aqsok ekmaso sa' eyke káhapwak ma'a énxet ekmaso nak aptémakxa'.

Números 22:22

Yámelyeheykok axta apchántak apxega m'a Balaam, apkelyetlókek axta han apqánet apkelásenneykha. Aptaqnókek axta eyke Dios ma'a, hakte ñókxa apxega axta. Apkenegwokmek axta apmonye' neyseksa ámay xama Wesse' egegkok apchásenneykha, yaqwayam enxoho megyohók eyeykha'.

Proverbios 28:6

Tásek antéhek meyke aqsok egagkok tén han meyke nentémakxa, kaxnók antéhek ekxámokma nak aqsok egagkok, tén han megkapéwomo nak nentémakxa'.

Proverbios 14:2

Apcháyo chá'a etnehek Wesse' egegkok ma'a ekpéwomo nak aptémakxa'; ewanyaha eyke chá'a m'a ekmaso nak aptémakxa'.

Miqueas 6:5

Énxet'ák ahagkok, kaxénwakxoho kélwáxok ma'a aqsok ekxeyenma axta apwáxok elának Balac, wesse' apwányam axta m'a Moab, tén han apchátegmoweykegkokxa axta m'a Balaam, Beor axta apketche. Kaxénwakxoho kélwáxok ma'a kélyeykhaya axta Sitim, kélmaheykegko m'a Guilgal, kaxénwakxoho kélwáxok appasmoma axta apkelmallahanchessama m'a Wesse' egegkok.”

Jonás 4:11

Ekyágwánxa agkok ko'o apyósekak alanok ma'a énxet'ák Nínive, tegma apwányam apheykegkaxa nak ciento veinte mil sakcha'a meyke apkeltémakxa, tén han ekxámokma agko' ma'a aqsok kélnaqtósso.

Salmos 147:9

elagkok chá'a ektéyak aqsok nawha'ák, tén han kágqag étkók élpáweyncha'a enxoho.

Salmos 145:9

Kataqmalmakha chá'a apwáxok Wesse' egegkok elanok ma'a apyókxoho énxet'ák nak, eláhapmakha chá'a elanha m'a aqsok apkelane nak.

Salmos 36:6

Máxa eyke meteymog élyawe élekhahéyak la'a m'a aptémakxa ekpéwomo; máxa eyke wátsam ekwányam ekmattawóneg la'a m'a apchánamakxa nak antéhek. Wesse', xép apkeláneykha énxet'ák, tén han aqsok nawha'ák.

Deuteronomio 25:4

“Nágkóltehetches chá'a táma awéhek weyke kéltemessáseyncha'a enxoho chá'a kólteyágkasha kólchexakkasek apyempe'ék ma'a hótáhap apaktek.

Deuteronomio 23:4

hakte axta elmeyáseykegkok kéxegke yegmen tén han kéltéyak ma'a kélyeykhágweykmo axta m'a xapop apagkok nak, natámen axta kélánteyapma m'a Egipto; apyánmagkassegkek axta nahan yaqwayam elhak kéxegke aqsok ekmaso m'a Balaam, Beor apketche, apkeñama axta m'a yókxexma Petor Mesopotamia.

Números 22:35

Aptáhak axta Wesse' egegkok apchásenneykha apchátegmowágkokxo s'e: —Apwanchek exog elyetlakxak xa énxet'ák nak, sa' eyke aqsa chá'a wánxa exének ma'a sektáhakxa enxoho chá'a seyáneya ko'o exchep. Apkelyetlákxeyk axta Balaam ma'a apkelámha amonye'e, Balac axta apkeláphasso.

Números 22:28

Yetlókok axta nahan apkeltémo kapaqmétek yámelyeheykok ma'a Wesse' egegkok, apkeltamho katnehek kának Balaam se'e: —¿Háxko sekteméssesakxa ko'o exchep? Ántánxo entáhak setekpogeykha.

Números 22:20

Apxekmowáseykpók axta makham Dios axta'a m'a Balaam. Aptáhak axta apcháneya s'e: —Apya'awak xép xa énxet'ák nak, exatakha', elyetlakxa sa', sa' eyke chá'a elának wánxa m'a séltamhókxa enxoho chá'a ko'o elána'.

Números 22:33

Ét'ak xeyk ko'o m'a yámelyeheykok, ántánxo sétnakhasso nahan táhak. Kaxtemék xeyk mehétnakhasso, waqhek xeyk ko'o exchep, keñe exchek magwaqhek ma'a.

Proverbios 16:2

Yának chá'a kataqmelak ekyókxoho aqsok apkelanakxa enxoho m'a énxet, Wesse' egegkok eyke apteme apyekpelchémo m'a ektémakxa nak chá'a apwáxok.