Números 20:5 - Biblia Enxet

⁵ ¿Yaqsa ektéma sẽlántekessama Egipto, sennaqleykekmo s'e yókxexma ekmaso agko' nak? Mogwanchek agkenekxak aqsok aktek se'e; méko m'a higo yámet, tén han anmen yámet, tén han ma'a yántakyexna nak. ¡Méko han yegmen negyá enxoho!

Números 20:5 Referans Kwoze

Números 16:14

Mehennaqlók xép xama enxoho m'a apchókxa ényahamakxa nak weyke nagkeygmenek, tén han yányawhéna' apyegmenek, ektémól'a kanyehek yegmen, mehegméssók han ma'a yókxexma, tén han ma'a émhakxa nak anmen yámet. ¿Apmenyéya exchep yohok aqsa enaqlók apyókxoho énxet ektémól'a m'a meyke apaqta'ák la'a? Ma', mólxegek negko'o m'a.

Jeremías 2:6

Axta kalyetnakhayók apkelwáxok hektamok ko'o, ektáha axta sélántekkesso m'a Egipto, ektáha axta seknaqleykha m'a yókxexma meykexa nak énxet, ekyamáyekxa nak xapop, ekxámokmakxa nak maxcha'a élmattawóneg, yókxexma meykexa nak yegmen, ekxámokmakxa nak aqsok eyeymáxche', yókxexma meykexa nak ekha, meyke nak ekyeykhágwayam ma'a.

Jeremías 2:2

“Exeg sa' elpaqhetchessók ma'a énxet'ák Jerusalén; énnaqtés sa' appeywa, yaqwayam sa' kataqmelek apkelháxenmo: ‘¡Keso aptáhakxa nak appeywa Wesse' egegkok se'e! Xénwákxók ko'o ewáxok ektémakxa axta étkok, meheyenyaweykencha'a axta chá'a, cham'a sektémakxa axta etáwa', seyásekhayo axta chá'a, sétleykencha'a axta chá'a m'a yókxexma meykexa nak énxet, xapop megkólcheneykekxexa nak aqsok aktek.’

Nehemías 9:21

Cuarenta apyeyam axta apkeléyak aptéyak ma'a yókxexma meykexa nak énxet, axta keymomáxchek chá'a xama aqsok enxoho, axta han elyeptamákpok apkelnaqta, axta han kalchampeykegkok apmagkok.

Deuteronomio 8:15

apnaqleykencha'a axta m'a ekyawakxa nak yókxexma meykexa énxet tén han eyesagkexa nak, ekxámokmakxa nak ma'a yéwa ekmáske nak hentakxek tén han ma'a yettáha, tén han ma'a meykexa agko' nak ma'a yegmen. Aptekkessegkek axta eyke yegmen xama meteymog ekyennaqte agko' ma'a tén axta apméssama yaqwayam kólyenagkok,

Números 20:24

“Yetsapok sa' Aarón, metxehek sa' ma'a apchókxa sekmáheyókxa nak ko'o agkések ma'a israelitas, hakte axta kólyeheykekxak kéxegke séltémókxa kóltéhek ma'a nekha nak ekteyapmakxa yegmen Meribá.

Números 27:14

axta kólyeheykekxak kéxegke séltémókxa kóltéhek xa kélqánet nak, apkelpaqméteykencha'a axta ko'o sexéneykencha'a énxet'ák ma'a yókxexma meykexa nak énxet Sin, axta nahan héláyók ko'o nápaqta'awo xa énxet'ák nak, apmáyheykegko axta yegmen. (Cham'a ekteyapmakxa nak yegmen Meribá, yókxexma Cadés, yókxexma meykexa nak énxet Sin.)