Números 18:20 - Biblia Enxet

²⁰ Aptáhak axta Wesse' egegkok apcháneya Aarón se'e: “Megkaxek sa' xép xapop apagkok, tén han yókxexma apagkok ma'a kañe' Israel, ektéma nak ma'a apyókxoho israelitas. Ko'o sa' hetnehek apagkok, tén han aqsok apxaweykekxa m'a kañe' Israel.

Números 18:20 Referans Kwoze

Ezequiel 44:28

“Ko'o sa' aqsa atnehek wánxa aqsok yaqwayam nak chá'a elxewekxak ma'a appasmo apkelmaxnéssesso Dios énxet'ák apagkok. Megkólmésagkek sa' xama enxoho xapop apagkok ma'a Israel. Ko'o sekteme apagkok ma'a.

Deuteronomio 10:9

Cháxa keñamak melxaweykegko nak xapop apagkok levitas nepyeseksa m'a apkelyáxeg'a tén han ma'a aqsok yaqwayam nak elxewekxa', hakte cha'a ekpayhémo yaqwayam chá'a elanha m'a Wesse' egegkok, ekhawo m'a apxeyenma axta m'a Wesse' egegkok.)

Josué 13:33

Axta elmeyáseykegkok Moisés xapop apagkok ma'a Leví nak énxet'ák apagkok, axta aqsa aptemék apkelánagkama s'e: “Wesse' egegkok, Dios nak Israel, sa' elmésagkok kéxegke m'a eyeyméxchexa nak.”

Lamentaciones 3:24

Keñe axta ektéma ewáxok se'e: ¡Wesse' egegkok apteme ekyókxoho aqsok ahagkok; cháxa keñamak may'ásseykmo nak!

Josué 14:3

Nanók axta eyke han apkelmeyáseyak xapop Moisés ma'a Rubén nak énxet'ák apagkok tén han ma'a Gad nak énxet'ák apagkok, ekpayho nak ma'a neyp wátsam Jordán, keñe han ma'a nápakha énxet'ák apagkok axta Manasés; keñe axta levitas melmeyáseykegko xapop apagkok.

Deuteronomio 14:27

“Eyke kólpásem sa' chá'a m'a levitas, apheykha nak chá'a kélheykegkaxa kéxegke, hakte melxaweykegkok xapop apagkok apagko' ma'a, ektéma nak kéxegke ekha xapop kélagkok.

Deuteronomio 12:12

Kóllanák sa' nahan kélessawássessamo nápaqtók Dios Wesse' kélagkok, yetlo m'a kélketchek tén han ma'a kélásenneykha naqsa nak, tén han ma'a levitas apheykha nak kélnepyeseksa kéxegke, hakte melxaweykegkok ketse' enxoho xapop apagkok apagko' kélnepyeseksa kéxegke m'a énxet'ák nak.

Salmos 142:5

Wesse', ekwóneyha ko'o exchep, ektáhak seyáneya s'e: “Xép apteme sekyexánegweykekxexa'; xép apteme wánxa ahagkok neyseksa m'a ekyókxoho aqsok ahagkok, neyseksa sekha.”

Salmos 16:5

Wesse', xép apwánxa apagkok segkésso aqsok eyeyméxchexa; apyánchessamók xép segkésso seyemleykekxoho, xép apmeykha sekyennaqte.

Josué 18:7

Melxawagkehek sa' xapop apagkok levitas, hakte apkelmaxnéssesso Dios énxet'ák apagkok sa' aqsa etnahágkok, yetneyk eyke xapop apagkok ma'a Gad nak énxet'ák apagkok tén han Rubén, keñe han ma'a nápakha nak Manasés énxet'ák apagkok, cham'a teyp nak wátsam Jordán, ekpayho nak yókxexma ekteyapmakxa ekhem, apmésso axta m'a Moisés, Wesse' egegkok axta apchásenneykha.”

Salmos 73:26

Yelqamáxcheyk ko'o sekyókxa, tén han ewáxok, Dios akke sénnaqtésso, tén han apteme chá'a ahagkok meyke néxa.

Deuteronomio 14:29

yaqwayam sa' etawagkok ekwokmoho apkelyaqkanakmo apkelwa'akto enxoho m'a levitas, melxaweykegko nak xapop apagkok apagko', essenhan ma'a énxet'ák apkeleñama nak mók apkelókxa apheykha nak chá'a kélnepyeseksa kéxegke, essenhan ma'a élyeheykha nak tén han ma'a xentampe'e nak. Keñe sa' Dios Wesse' kélagkok egkések chá'a ektaqmalma ekteyapma m'a ekyókxoho aqsok kéllanakxa enxoho chá'a.

Números 26:62

Veintitrés mil apkelennay'a axta apwokmok apyókxoho Leví aptawán'ák neptámen, ekwayam nak chá'a xama pelten apagkok néten. Axta nahan kólnaqtáxéseykegkok apkelwesey weykcha'áhak xamók ma'a nápakha israelitas nak, hakte axta elxaweykegkok xama enxoho m'a xapop apagkok.

Josué 13:14

Keñe m'a Leví nak énxet'ák apagkok, axta egkéssók xapop ma'a Moisés, hakte axta apkelánémakpok chá'a elxawagkok ma'a aqsok élwatnamáxche kélmésso nak Wesse' egegkok, Dios nak Israel, Dios apagko' axta han apteme appeywa xa.

Génesis 15:1

Appaqhetchessek axta Wesse' egegkok Abram natámen xa, apwanmagko axta eyke, aptáhak axta apcháneya s'e: —Abram, nágyé aqsa, ko'o sekteme sekmasma exchep, awanhek sa' katnehek ekyaqmageykekxa aqsok yaqwayam exkak xép.

Números 18:7

Xép sa' eyke aqsa chá'a elának aptamheykha ektémakxa nak chá'a apkeltamheykha apkelmaxnéssesso Dios énxet'ák apagkok yetlo apketchek ma'a ekwatnamáxchexa nak chá'a aqsok, essenhan élánamáxche nak chá'a aqsok ma'a teyp nak apáwa. Kéxegke kéltamheykha xa nentamheykha nak, hakte ko'o axta sekmésso kéxegke kélmowána kóllának xa ektémakxa nak apkeltamheykha m'a apkelmaxnéssesso Dios énxet'ák apagkok. Yetneyk sa' agkok énxet apkelane aptamheykha ektémakxa nak chá'a apkeltamheykha apkelmaxnéssesso Dios énxet'ák apagkok, neyseksa metne, ematñekxak sa'.”