Números 16:33 - Biblia Enxet

³³ Yetlo apaqta'ák axta appallakmok ma'a kañók agko' nak xapop, ekyókxoho aqsok apagkok, tén axta ekwánaqmákxo makham ma'a xapop. Cháxa ektáhakxa axta kélmasséssekmo m'a nepyeseksa israelitas.

Números 16:33 Referans Kwoze

Ezequiel 32:30

“Cháxa apheyncha'a apyókxoho kelwesse'e apkelwányam xa, apkeleñama nak nexcheyha, tén han ma'a apyókxoho énxet'ák Sidón. Apmelyeha'awók apagko' axta xa, apkelyegwakkáseykha axta chá'a m'a énxet'ák, aphagwokmek eyke kaxwók xamók ma'a apkeletsapma nak neyseksa kempakhakma, yetlo apkelmegqágweykekxoho apagko'. Énxet'ák melya'áseyak Dios xa énxet'ák nak, kélátawanyeyk nahan yetlo meyke kéláyo nepyeseksa m'a apkeletsapma axta neyseksa kempakhakma, nepyeseksa nak ma'a aphagwayam nak kañe' takhaxpop.

Ezequiel 32:18

“Xép, aptáha nak énxet, enneykmásses sa' xama negmeneykmasso senlapwayam ma'a énxet'ák apxámokma nak Egipto tén han ma'a apkelámha apmonye'e apagkok nak. Etnehek sa' apkelxegexma'a m'a kelán'ák éleñama nak ekyókxoho apheykegkaxa. Sa' etnehek se'e: “Apkelántaxneyk énxet'ák ekha nak apkelyennaqte keso kóneg xapop nak nélwanmégkaxa, yetlo m'a nanók aphagwayam axta m'a kañe' takhaxpop.

Isaías 14:15

¡Apteyekmek eyke m'a kañe' apkelmaheykegkaxa nak chá'a apkeletsapma, cham'a kañók agko' nak máxek!

Isaías 14:9

Yennegkexma s'e kóneg xapop nak nepyeseksa nak ma'a apkeletsapma, apkelántekkek nahan peya emok takha' exchep. Naqxétekhágkek apkelhagák ma'a apkeletsapma axta, apkelanyexakmek xép apyókxoho m'a apkelámha apmonye'e axta keso náxop; apkelchampákxeyk néten apkeltaháno apyókxoho m'a kelwesse'e apkelwányam axta ekyókxoho apheykegkaxa.

Salmos 143:7

Wesse', ¡heyátegmowák heykxa', hakte yelqáxcheyk ko'o ewáxok! Ná etne mehelányo, axhok katnehek ma'a apkeletsapma nak.

Salmos 69:15

¡Nágyoho heswok yegmen ényé! ¡Nágyoho heweykesagkok ma'a yegmen ényé ekyéhegwayam ekyennaqte nak, tén han heyápekxa'!

Salmos 55:23

Dios ahagkok, megkawegqók sa' chá'a apkelweynchámeykha m'a énxet'ák ekyetno nak chá'a apkelyógkexma', tén han ma'a apkelmopwancha'a nak chá'a amya'a; xép sa' epalchesegmak ma'a kañók agko' nak takhaxpop, keñe ko'o may'ásseykmok xép.

Salmos 9:15

Epallekxohok chá'a apagkok máxek apkelmeta m'a melya'áseyak nak Dios, kalpextétekxohok chá'a agkok apmagkok ma'a yám'én aptegyésso apagko' nak.

Números 16:32

kelweykeságkek axta apyókxoho énxet'ák ektáha axta appasmeykekxa m'a Coré, yetlo aphawóxama, tén han ma'a ekyókxoho aqsok apagkok ekyetnakxa nak.

Números 16:34

Xama axta eklegáxko élpayheykha apatña'ák, apkenyahágkek axta m'a apyókxoho israelitas apheykha axta m'a neyáwa apheykegkaxa. Aptáhak axta apkelpaqmeta s'e: “¡Hẽlweykesagkok katnehek negko'óxa kañe' xapop!”

Números 26:11

Axta eyke eletsapak ma'a Coré apketchek.

Deuteronomio 32:22

Eklókók ahagko' ko'o, máxa táxa eyáléwe táhak seklo, kawomhok sa' élwatno m'a kañók agko' nak xapop. Kawatnek sa' ma'a xapop tén han ma'a aqsok ekyexna kélcheneykekxa nak, alwatnek sa' ma'a awhók kañók agko' nak ma'a meteymog élwenaqte.

Salmos 55:15

¡Katlakkas eletsapok sélenmexma nak ko'o! ¡Exnagwom yetlo apaqta'ák apkelmaheykegkaxa nak apkeletsapma, hakte yetnegkek apkelwáxok ma'a aqsok ekmaso!

Salmos 141:7

Kólexpánchesha sa' apexchakkok ma'a ekpayho nak takhaxpop, ektémól'a kólpeynchok xapop namyep.

Isaías 38:18

Mopwanchek xép elpeykeshok ma'a aphagwayam nak kañe' takhaxpop, mopwanchek elteméssesek apcheymákpoho m'a apkeletsapma nak, mopwanchek elhaxnagkok ektémakxa nak xép mehegyenyaweykha m'a aphagwayam nak kañe' máxek.

Ezequiel 31:14

Megkawegqagkek agko' sa' chá'a kaxwók xama yámet enxoho, megkeyxek sa' chá'a émha m'a neyáwa yegmen, megkaltekxekwomók sa' chá'a kaxwók naw'ék ma'a yaphope, megkeyxek sa' ektaqmalma kélyássáseyak, megkawegqagkek agko' sa' nahan chá'a kaxwo'. Kelxénamaxcheyk kaletsapok ekyókxoho xa, kalweywagkok se'e kóneg xapop kañók agko' nak nélwanmégkaxa tén han kapáxaqwók ma'a aphagwayam nak ma'a kañe' takhaxpop.

Números 22:33

Ét'ak xeyk ko'o m'a yámelyeheykok, ántánxo sétnakhasso nahan táhak. Kaxtemék xeyk mehétnakhasso, waqhek xeyk ko'o exchep, keñe exchek magwaqhek ma'a.

Salmos 55:16

Awónmakha sa' eyke ko'o m'a Dios; hewagkasek sa' teyp ma'a Wesse' egegkok.